ເນື່ອງໃນໂອກາດທີ່ກອງປະຊຸມລັດຖະມົນຕີຂອງເວທີປຶກສາຫາລືຈີນ-ປະຊາຄົມປະເທດອາເມຣິກາລາຕິນແລະກາຣິເບຄັ້ງທີ　3　ຈະໄຂຂຶ້ນໃນໄວໆນີ້，　ວັນທີ　2　ທັນວານີ້，　　ໂທລະພາບສາກົນຈີນຫລື　　ＣＧＴＮ　ຂອງສະຖານີວິທະຍຸໂທລະພາບສູນ　ກາງຈີນໄດ້ເປັນຜູ້ລິເລີ່ມ，ແລະຮ່ວມສຳພັນກັບສື່ມວນຊົນສຳຄັນຂອງ30ກວ່າແຫ່ງ ໃນພາກພື້ນອາເມຣິກາລາຕິນເຜີຍແຜ່ຂໍ້ລິເລີ່ມ　＂ການດຳເນີນງານສື່ມວນ ຊົນຈີນ－ອາເມຣິກາລາຕິນ＂．　ສື່ມວນຊົນຈີນແລະອາເມຣິກາລາຕິນ ຈະນຳໃຊ້ຮູບການຕ່າງໆເປັນຕົ້ນແມ່ນ　ເວທີປຶກສາຫາລືທາງອ໋ອນລາຍ，　ຮ່ວມກັນຖ່າຍທຳຟີມສາລະຄະດີຕ່າງໆ, ວາງສະແດງຜົນງານລະຄອນໂທລະພາບແລະ ຮູບເງົາ ແບບສັນຈອນ, ຜະລິດລາຍການສຳພາດຊາວໜຸ່ມ, ສືບຕໍ່ຈັດກິດຈະກຳດ້ານວິດີໂອ ສັ້ນເພື່ອສາທາລະນະປະໂຫຍດແລະອື່ນໆ ເພື່ອຊຸກຍູ້້ສື່ມວນຊົນຕ່າງໆ ລົງເລິກການຮ່ວມມືກັນຢ່າງຮອບດ້ານ, ເຕົ້າໂຮມກຳລັງແຮງສັງລວມ ເພີ່ມຄວາມ ຮັບຮູ້ທີ່ເປັນເອກະພາບກັນ. 
 

     ທ່ານເຊີນໄຫສົງ ຜູ້ອຳນວຍການໃຫຍ່ສະຖານີວິທະຍຸໂທລະພາບສູນ ກາງຈີນໄດ້ກ່າວຄຳປາໄສຜ່ານຮູບແບບວິດີໂອວ່າ: ໃນເວລາທີ່ທ່ານປະທານສີຈິ້ນຜິງໄດ້ຊີ້ໃຫ້ເຫັນໃນເວລາກ່າວຄຳປາໄສໃນພິທີເປີດກອງປະຊຸມສຸດຍອດຜູ້ນຳສື່ມວນຊົນຈີນ-ອາເມຣິກາລາຕິນປີ2016ນັ້ນທ່ານໄດ້ຊີ້ໃຫ້ເຫັນວ່າ: ການແລກປ່ຽນດ້ານສື່ມວນຊົນເປັນພາກສ່ວນສຳຄັນຂອງສາຍພົວພັນຈີນ-ອາເມຣິກາລາຕິນ, ສື່ມວນຊົນຈີນ-ອາເມຣິກາ ລາຕິນໄດ້ມີຜົນງານຢ່າງຫລວງຫລາຍໃນການສືບທອດແລະເສີມຂະຫຍາຍມິດຕະພາບລະຫວ່າງປະຊາຊົນຈີນ-ອາເມຣິກາລາຕິນ. ໃນຫລາຍປີຜ່ານມານີ້, ສະຖານີວິທະຍຸໂທລະພາບສູນກາງຈີນກໍໄດ້ປະຕິບັດຕາມເນື້ອໃນຈິດໃຈນີ້ ແລະໄດ້ຕັ້ງໜ້າຊຸກຍູ້ການແລກປ່ຽນການໄປມາຫາສູ່ກັນລະຫວ່າງສື່ມວນຊົນຈີນ-ອາເມຣິກາລາຕິນ, ຊຸກຍູ້ແລະຮັດແໜ້ນຄວາມເຂົ້າໃຈກັນແລະຖອດຖອນບົດຮຽນເຊິ່ງກັນແລະກັນລະຫວ່າງປະຊາຊົນສອງຝ່າຍ. ສະຖານີວິທະຍຸໂທລະພາບສູນກາງຈີນຈະເດັດດ່ຽວ ຮ່ວມກັບສື່ມວນຊົນອາເມຣິກາລາຕິນພັດທະນາຮ່ວມກັນແລະເປີດກວ້າງການໄປມາຫາສູ່ກັນ, ຍຶດໝັ້ນໃນຄ່ານິຍົມຂອງສື່ມວນຊົນທີ່ຍຸດຕິທຳ ແລະພາວະວິໄສ, ເປີດກວ້າງຊ່ອງທາງການແລກປ່ຽນແລະຮ່ວມມືກັນ, ປະກອບ ສ່ວນເຂົ້າໃນການເສີມຂະຫຍາຍສາຍພົວພັນຈີນ-ອາເມຣິກາລາຕິນຕື່ມອີກ.