ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກ່ຽວກັບອາເມຣິກາຈະຈັດອັນທີ່ເອີ້ນວ່າ “ກອງປະຊຸມສຸດຍອດປະຊາທິປະໄຕ”, ອາເມຣິກາກ່າວວ່າ, ຈະ “ຊຸກຍູ້ການເຄົາລົບສິດທິມະນຸດ”, ແຕ່ຄວາມເປັນຈິງຫາກບໍ່ແມ່ນແນວນັ້ນ. ໜັງສືພິມ ເດີອາຊຽນໂພສ໌ ສື່ມວນຊົນອາຊີອາຄະເນໄດ້ພິມບົດຄວາມລົງໃນສະບັບວັນທີ 5 ທັນວານີ້ຕາມເວລາທ້ອງຖິ່ນ, ໂດຍລະບຸວ່າ, ອັນທີ່ເອີ້ນວ່າ “ກອງປະຊຸມສຸດຍອດປະຊາທິປະໄຕ” ແມ່ນເລ່ຫຼ່ຽມຂອງອາເມຣິກາທີ່ຢາກສ້າງຄວາມປັ່ນປ່ວນວຸ້ນວາຍຫຼັງສົງຄາມເຢັນ.
ບົດຄວາມຊີ້ອອກວ່າ, ອີງຕາມບົດລາຍງານສະບັບໜຶ່ງຂອງອົງການຈັດຕັ້ງສາກົນ “ສະມາຄົມໃຫ້ການຊ່ວຍເຫຼືອດ້ານປະຊາທິປະໄຕແລະການເລືອກຕັ້ງສາກົນ”, ໄດ້ຈັດເອົາອາເມຣິກາເຂົ້າໃນບັນຊີລາຍຊື່ “ປະເທດຖອຍຫຼັງດ້ານປະຊາທິປະໄຕ”. ເຊັ່ນດຽວກັນ, ບົດລາຍງານຂອງອົງການສະຫະປະຊາຊາດກ່ຽວກັບສິດທິມະນຸດຂອງອາເມຣິກາສະບັບຫຼ້າສຸດກໍ່ໄດ້ສະແດງໃຫ້ເຫັນວ່າ, ປະຊາຄົມໂລກມີຄວາມເປັນຫ່ວງໂດຍທົ່ວໄປ ຕໍ່ສະພາບການທີ່ກຸ່ມຄົນຊົນເຜົ່າສ່ວນໜ້ອຍແລະຊາວອາເມຣິກາເຊື້ອສາຍອື່ນ ມີສິດທິມະນຸດຫຼຸດລົງຢ່າງຕໍ່ເນື່ອງ.
ບົດຄວາມຊີ້ໃຫ້ເຫັນວ່າ, ອັນທີ່ເອີ້ນວ່າ “ກອງປະຊຸມສຸດຍອດປະຊາທິປະໄຕ”ຄັ້ງນີ້ ແມ່ນເລ່ຫຼ່ຽມຂອງອາເມຣິກາທີ່ພາໃຫ້ໂລກເກີດມີຄວາມປັ່ນປ່ວນວຸ້ນວາຍຫຼັງສົງຄາມເຢັນ, ການກະທຳນີ້ອາດຈະພາໃຫ້ເກີດມີຄວາມຂັດແຍ່ງກັນດ້ານຮູບແບບຈິດສຳນຶກຫຼາຍກວ່າເກົ່າ, ພາໃຫ້ເກີດມີຄວາມເປັນປໍລະປັກກັນຫຼາຍກວ່າເກົ່າ, ແລະພາໃຫ້ໂລກເກີດມີຄວາມປັ່ນປ່ວນວຸ້ນວາຍ.
ຄຳເຫັນ
0