ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 6 ທັນວານີ້ຕາມເວລາທ້ອງຖິ່ນ, ທ່ານນາງ ຄຣິສຕາລີນາ ຈອດເຈຍວາ, ຜູ້ອຳນວຍການໃຫຍ່ອົງການກອງທຶນເງິນຕາສາກົນຫຼື IMF ໄດ້ເຂົ້າຮ່ວມກອງປະຊຸມໂຕະມົນ “1+6” ຄັ້ງທີ 6 ຜ່ານທາງອ໋ອນລາຍ, ແລະໄດ້ກ່າວຄຳປາໄສ.
ທ່ານນາງ ຄຣິສຕາລີນາ ຈອດເຈຍວາ ກ່າວວ່າ: ເຖິງວ່າໃນປັດຈຸບັນນີ້ການຟື້ນຟູເສດຖະກິດຂອງທົ່ວໂລກຊ້າລົງກໍຕາມ ,ແຕ່ວ່າຈີນສາມາດຟື້ນຟູເສດຖະກິດໄດ້ຢ່າງແທ້ຈິງ. ນາງໄດ້ປຽບປະເທດຈີນເປັນຫົວຈັກທີ່ສຳຄັນຂອງການເຕີບໂຕດ້ານເສດຖະກິດໂລກ, ແລະກ່າວວ່າການນຳໃຊ້ມາດຕະການທີ່ແຂງແຮງເພື່ອສະໜັບສະໜູນການເຕີບໂຕດ້ານເສດຖະກິດຂອງຈີນ, ບໍ່ພຽງແຕ່ມີຜົນດີຕໍ່ຈີນເທົ່ານັ້ນ, ຍັງຈະມີຜົນດີຕໍ່ໂລກນຳອີກ.
ທ່ານນາງ ຄຣິສຕາລີນາ ຈອດເຈຍວາ ຍັງກ່າວວ່າ: ຍຸດທະສາດຮັບມືກັບການປ່ຽນແປງຂອງດິນຟ້າອາກາດຂອງຈີນກຳລັງໄດ້ຮັບການປະຕິບັດໃຫ້ເປັນຮູບເປັນຮ່າງແລ້ວ,ເຊິ່ງຈະເສີມຂະຫຍາຍບົດບາດສຳຄັນໃນການຮັບມືກັບການປ່ຽນແປງຂອງດິນຟ້າອາກາດໃນທົ່ວໂລກ.ນອກນີ້, ຈີນຍັງໄດ້ສະໜອງສິດທິພິເສດໃນການຖອນເງິນຈຳນວນ 10 ຕື້ໂດລາໃຫ້ແກ່ທະວີບອາຟຣິກາ, ເຊິ່ງຈະມີຜົນດີຫຼາຍສຳລັບທະວີບອາຟຣິກາ.
ຄຳເຫັນ
0