ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 7 ທັນວານີ້ຕາມເວລາທ້ອງຖິ່ນ, ອົງການອະນາໄມໂລກ ຫຼື WHO ໄດ້ເຜີຍແຜ່ບົດລາຍງານການແຜ່ລະບາດຂອງພະຍາດໂຄວິດ-19 ປະຈຳອາທິດ ເຊິ່ງໄດ້ລະບຸວ່າ: ໃນອາທິດທີ່ຜ່ານມາ, ຈຳນວນຜູ້ຕິດເຊື້ອພະຍາດໂຄວິດ-19 ໃນທົ່ວໂລກໄດ້ລື່ນກາຍ 4.100.000 ກໍລະນີ, ຈຳນວນຜູ້ເສຍຊີວິດຍ້ອນພະຍາດໂຄວິດ-19 ມີຫຼາຍກວ່າ 52.000 ຄົນ, ເຊິ່ງໄດ້ເພີ່ມຂຶ້ນ 10%. ຜູ້ຖືກບົ່ງມະຕິເປັນພະຍາດໂຄວິດ-19 ຢູ່ອາຟຣິກາໄດ້ເພີ່ມຂຶ້ນ 79%, ຈຳນວນຜູ້ເສຍຊີວິດຍ້ອນພະຍາດໂຄວິດ-19 ຢູ່ອາຊີຕາເວັນອອກສຽງໃຕ້ໄດ້ເພີ່ມຂຶ້ນ 49%.
ບົດລາຍງານຍັງໄດ້ລະບຸວ່າ, ນັບມາຮອດປັດຈຸບັນນີ້, ໄດ້ມີ 57 ປະເທດແລະເຂດແຄວ້ນປາກົດມີເຊື້ອພະຍາດໂຄວິດ-19 ສາຍພັນໂອມິຄຣອນແລ້ວ, ຜູ້ຕິດເຊື້ອໂອມິຄຣອນສ່ວນຫຼາຍແມ່ນຕິດແປດຈາກການໄປທ່ອງທ່ຽວ. WHO ກ່າວວ່າ, ປັດຈຸບັນ, ເຊື້ອພະຍາດໂຄວິດ-19 ທີ່ແຜ່ລະບາດຢູ່ຫຼາຍປະເທດຍັງແມ່ນສາຍພັນເດວຕາ, ໂດຍສະເພາະຢູ່ເອີຣົບແລະອາເມຣິກາ, ປັດຈຸບັນ, ຍັງບໍ່ສາມາດຮູ້ແຈ້ງໄດ້ເຖິງຜົນສະທ້ອນຂອງເຊື້ອພະຍາດໂຄວິດ-19 ສາຍພັນໂອມິຄຣອນ ທີ່ມີຕໍ່ການແຜ່ລະບາດຂອງທົ່ວໂລກເທື່ອ.
ຄຳເຫັນ
0