ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, “ປຶ້ມຄັດຈ້ອນຄຳເວົ້າຂອງທ່ານສີຈິ້ນຜິງກ່ຽວກັບການເຄົາລົບແລະປົກປ້ອງສິດທິມະນຸດ” ທີ່ຮຽບຮຽງໂດຍສະຖາບັນຄົ້ນຄວ້າປະຫວັດສາດ ແລະເອກະສານສູນກາງພັກກອມມູນິດຈີນ ໄດ້ພິມຈຳໜ່າຍຢູ່ທົ່ວປະເທດຈີນຢ່າງເປັນທາງການແລ້ວ.
ນັບແຕ່ມື້ສ້າງຕັ້ງພັກກອມມູນິດຈີນເປັນຕົ້ນມາ, ພັກໄດ້ຖືເອົາການສ້າງຄວາມຜາສຸກໃຫ້ກັບປະຊາຊົນ ແລະສະແຫວງຫາການພັດທະນາໃຫ້ກັບມວນມະນຸດ ເປັນເປົ້າໝາຍສູ້ຊົນຂອງຕົນ. ພາຍຫຼັງ ສປ ຈີນ ໄດ້ຮັບການສະຖາປະນາຂຶ້ນເປັນເວລາ 70 ກວ່າປີມານີ້, ຈີນໄດ້ນຳເອົາຫຼັກການທົ່ວໄປດ້ານສິດທິມະນຸດ ປະສານສົມທົບກັບສະພາບຄວາມເປັນຈິງຂອງຈີນ ແລະໄດ້ບຸກເບີກເສັ້ນທາງການພັດທະນາສິດທິມະນຸດທີ່ເໝາະສົມກັບສະພາບຄວາມເປັນຈິງຂອງຈີນ. ໂດຍສະເພາະແມ່ນນັບແຕ່ກອງປະຊຸມໃຫຍ່ຂອງພັກກອມມູນິດຈີນຄັ້ງທີ 18 ເປັນຕົ້ນມາ, ສູນກາງພັກກອມມູນິດຈີນທີ່ຖືສະຫາຍສີຈິ້ນຜິງເປັນແກນນຳ ໄດ້ຍຶດໝັ້ນໃນການຖືເອົາຜົນປະໂຫຍດຂອງປະຊາຊົນຢູ່ເໜືອທຸກສິ່ງທຸກຢ່າງ, ປະຕິບັດຕາມແນວຄິດດ້ານສິດທິມະນຸດທີ່ຖືປະຊາຊົນເປັນໃຈກາງ, ເພີ່ມທະວີການເຄົາລົບ ແລະປົກປ້ອງສິດທິຂັ້ນພື້ນຖານຕ່າງໆຂອງປະຊາຊົນຈີນຢ່າງບໍ່ຢຸດຢັ້ງ, ຊຸກຍູ້ວຽກງານສິດທິມະນຸດຂອງຈີນໃຫ້ໄດ້ຮັບຜົນສຳເລັດອັນຍິ່ງໃຫຍ່, ປະກອບສ່ວນອັນສຳຄັນເຂົ້າໃນການພັດທະນາພາລະກິດສິດທິມະນຸດຂອງໂລກ. ຄຳເວົ້າຕ່າງໆທີ່ສຳຄັນຂອງທ່ານເລຂາທິການໃຫຍ່ສີຈິ້ນຜິງ ກ່ຽວກັບການເຄົາລົບແລະປົກປ້ອງສິດທິມະນຸດ ມີວິໄສທັດທີ່ເບິ່ງກວ້າງມອງໄກ, ມີເນື້ອໃນອຸດົມສົມບູນ ແລະມີແນວຄິດອັນເລິກເຊິ່ງ ເຊິ່ງມີຄວາມໝາຍສຳຄັນທີ່ສຸດຕໍ່ພວກເຮົາໃນການປົກປ້ອງສິດທິມະນຸດຂອງປະຊາຊົນຈີນໃນລະດັບສູງກວ່າເກົ່າ, ການສ້າງປະເທດສັງຄົມນິຍົມທີ່ທັນສະໄໝຢ່າງຮອບດ້ານ, ການບັນລຸຄວາມໃຝ່ຝັນຈີນໃນການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງຊົນຊາດຈີນ ແລະການສ້າງປະຊາຄົມຮ່ວມຊາຕາກຳຂອງມວນມະນຸດ.
ປຶ້ມຄັດຈ້ອນດັ່ງກ່າວແບ່ງອອກເປັນ 9 ຫົວຂໍ້ ລວມມີຄຳເວົ້າທັງໝົດ 335 ຕອນ ເຊິ່ງໄດ້ຄັດຈ້ອນຈາກເອກະສານຕ່າງໆທີ່ສຳຄັນຂອງທ່ານສີຈິ້ນຜິງ ເຊັ່ນ ບົດລາຍງານ, ການປາຖະກະຖາ, ຄຳໂອ້ລົມ, ຄຳປາໄສ, ສານອວຍພອນ, ທິດຊີ້ນຳແລະອື່ນໆ ຈຳນວນ 160 ກວ່າບົດ ເຊິ່ງເລີ່ມຈາກວັນທີ 15 ພະຈິກ ປີ 2012 ຫາວັນທີ 30 ຕຸລາ ປີ 2021. ໃນນັ້ນ, ມີເນື້ອໃນຈຳນວນໜຶ່ງໄດ້ຖືກເຜີຍແຜ່ເປັນຄັ້ງທຳອິດ.
ຄຳເຫັນ
0