ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂດຍແນໃສ່ຂໍ້ອ້າງຂອງອາເມຣິກາທີ່ວ່າ, ການຈັດ “ກອງປະຊຸມສຸດຍອດປະຊາທິປະໄຕ” ແມ່ນເພື່ອ “ປົກປ້ອງ” ປະຊາທິປະໄຕ, ວັນທີ 7 ທັນວານີ້, ໃນກອງປະຊຸມຂ່າວປະຈຳ, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນຊີ້ອອກວ່າ, ປະເທດທີ່ເບິ່ງຂ້າມປະຊາທິປະໄຕ ຄືອາເມຣິກາ ຈະມີຄຸນສົມບັດຈັດກອງປະຊຸມສຸດຍອດ “ປະຊາທິປະໄຕ” ໄດ້ແນວໃດ?
ທ່ານຈ້າວລີ້ຈ່ຽນກ່າວວ່າ: “ອາເມຣິກາກ່າວວ່າ, ການຈັດກອງປະຊຸມສຸດຍອດປະຊາທິປະໄຕ ແມ່ນເພື່ອປົກປ້ອງປະຊາທິປະໄຕ, ຖ້າເປັນແນວນັ້ນ, ຂໍຖາມວ່າ, ອາເມຣິກາມີຊັບພະຍາກອນແລະເຕັກນິກດ້ານການແພດທີ່ອຸດົມສົມບູນກວ່າໝູ່ ກ້າວໜ້າກວ່າໝູ່ໃນໂລກ, ແຕ່ພາຍໃນປະເທດອາເມຣິກາ ພັດມີຄົນເສຍຊີວິດຍ້ອນພະຍາດໂຄວິດ-19 ຫຼາຍກວ່າ 8 ແສນຄົນ ແລະຍັງມີເກືອບ 50 ລ້ານຄົນໄດ້ຮັບຄວາມທໍລະມານຍ້ອນຕິດເຊື້ອພະຍາດໂຄວິດ-19, ເຊິ່ງຕົວເລກສອງອັນນີ້ລ້ວນແຕ່ເປັນອັນດັບໜຶ່ງຂອງໂລກ. ນີ້ບໍ ແມ່ນການປົກປ້ອງປະຊາທິປະໄຕ? ລັດທິຈຳແນກເຊື້ອຊາດຜິວພັນຢູ່ອາເມຣິກາເກີດຂຶ້ນມາແຕ່ດົນນານແລ້ວ, ລັດທິທີ່ຖືຄົນຜິວຂາວຢູ່ເໜືອກຸ່ມຄົນຜິວພັນອື່ນກໍ່ນັບມື້ນັບຮ້າຍແຮງຂຶ້ນ, ທັງບໍ່ມີຄວາມສະເໝີພາບກັນລະຫວ່າງຊົນເຜົ່າ. ນີ້ບໍ ແມ່ນການປົກປ້ອງປະຊາທິປະໄຕບໍ່?”
ຄຳເຫັນ
0