蒙龙

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ສ.ເກົາຫຼີ​​ຈະສະ​ໜັບ​ສະ​ໜູນ​​ການ​ຈັດ​ງານ​ໂອ​ລິມ​ປິກ​ລະ​ດູ​ໜາວ​ປັກ​ກິ່ງ​​ໃຫ້​ດຳ​ເນີນ​ໄປຢ່າງ​ຈົບ​ງາມ

2021-12-09 16:14:48 CRI

ຕາມ​ຂ່າວ​ລາຍ​ງານ​ວ່າ: ວັນ​ທີ 7 ທັນ​ວາ​ນີ້, ໂຄ​ສົກ​ກະ​ຊວງ​ການ​ຕ່າງ​ປະ​ເທດ​ສ.ເກົາຫຼີ​ກ່າວ​ວ່າ: ສ.ເກົາຫຼີ​ຈະສະ​ໜັບ​ສະ​ໜູນ​​ການ​ຈັດ​ງານ​ໂອ​ລິມ​ປິກ​ລະ​ດູ​ໜາວ​ປັກ​ກິ່ງ​ໃຫ້​ດຳ​ເນີນ​ໄປ​ໄດ້​ຢ່າງ​ຈົບ​ງາມ ແລະ ຫວັງ​ມາ​ໂດຍ​ຕະຫຼອດ​ວ່າ: ງານ​ໂອ​ລິມ​ປິກ​ລະ​ດູ​ໜາວ​ປັກ​ກິ່ງ​ຈະ​​ເປັນ​ການປະ​ກອບ​ສ່ວນ​ໃຫ້​ກັບ​ສັນ​ຕິ​ພາບ, ສະ​ຖຽນ​ລະ​ພາບ​​ຢູ່​ອາ​ຊີ​ຕາ​ເວັນ​ອອກ​ສຽ​ງ​ເໜືອ ກໍ​ຄື​ຂອງ​ໂລກ ​ລວມ​ທັງ​ການ​ສົ່ງ​ເສີມການ​ພົວ​ພັນ​ລະ​ຫວ່າງ ສ​ປ​ປ ເກົາຫຼີ ແລະ ສ.ເກົາຫຼີ.

ໃນ​ກອງ​ປະ​ຊຸມ​ຖະ​ແຫຼງ​ຂ່າວ​ທີ່​ຈັດ​ຂຶ້ນ​ໃນ​ວັນ​ທີ 8 ທັນ​ວາ​ນີ້, ທ່ານ​ວາງ​ເວີນ​ປິ່ນ ໂຄ​ສົກ​ກະ​ຊວງ​ການ​ຕ່າງ​ປະ​ເທດ​ຈີນ​ໄດ້​ຕີ​ລາ​ຄາ​ຢ່າງ​ສູງ​ຕໍ່​ກັບ​ທັດ​ສະ​ນະ​ຂອງ​ສ.ເກົາຫຼີ​ກ່ຽວ​ກັບ​ງານ​ໂອ​ລິມ​ປິກ​ລະ​ດູ​ໜາວ​ປັກ​ກິ່ງ ແລະ ກ່າວ​ວ່າ: ສ.ເກົາຫຼີ​ແມ່ນ​ປະ​ເທດ​ເຈົ້າ​ພາບ​ຈັດ​ງານ​ໂອ​ລິມ​ປິກ​ລະ​ດູ​ໜາວ​ພຽງ​ຊາງ​ປີ 2018 ແລະ ຈະ​ເປັນ​ເຈົ້າ​ພາບ​ຈັດ​ງານ​ກິ​ລ​າ​ໂອ​ລິມ​ປິກ​ຊາວ​ໜຸ່ມ​ລະ​ດູ​ໜາວ​ຄັງ​ວັນໂດ​ປີ 2024. ຈີນ ແລະ ສ.ເກົາຫຼີ​ໄດ້​ສະ​ໜັບ​ສະ​ໜູນ​ເຊິ່ງ​ກັນ​ແລະ​ກັນເປັ​ນ​ເຈົ້າ​ພາບ​ຈັດ​ງານ​ໂອ​ລິມ​ປິກ​ມາ​ໂດຍ​ຕະຫຼອດ ເຊິ່ງ​ໄດ້​ສ່ອງ​ແສງ​ໃຫ້​ເຫັນ​ເຖິງ​ການ​ພົວ​ພັນ​ຮ່ວມ​ມື​ມິດ​ຕະ​ພາບ​ລະ​ຫວ່າງ​ສອງ​ປະ​ເທດ​ຈີນ​ແລະ​ສ.ເກົາຫຼີ ແລະ ລັກ​ສະ​ນະຄວາມ​ເປັນວົງ​ຄະ​ນາ​ຍາດ​ໂອ​ລິມ​ປິກ.

ຄຳ​ເຫັນ

0