ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ທັນວານີ້, ຢູ່ທີ່ນະຄອນທຽນສິນ ປະເທດຈີນ, ສປ ຈີນ ແລະສ ນີກາຣາກວາໄດ້ເຊັນ “ຖະແຫຼງການຮ່ວມ ຈີນ-ນີກາຣາກວາ ວ່າດ້ວຍການຟື້ນຟູສາຍພົວພັນທາງການທູດ” ເຊິ່ງສອງຝ່າຍໄດ້ເຫັນດີຈະຟື້ນຟູສາຍພົວພັນທາງການທູດນຳກັນ ນັບແຕ່ມື້ເຊັນຖະແຫຼງການເປັນຕົ້ນໄປ.
ເນື້ອໃນຕົ້ນຕໍຂອງຖະແຫຼງການສະບັບດັ່ງກ່າວມີດັ່ງນີ້:
ລັດຖະບານສອງປະເທດເຫັນດີຂະຫຍາຍສາຍພົວພັນມິດຕະພາບບົນພື້ນຖານເຄົາລົບອະທິປະໄຕ ແລະຜືນແຜ່ນດິນອັນຄົບຖ້ວນຂອງກັນແລະກັນ, ບໍ່ຮຸກຮານກັນ, ບໍ່ແຊກແຊງວຽກງານພາຍໃນຂອງກັນແລະກັນ, ສະເໝີພາບກັນ, ຕ່າງຝ່າຍຕ່າງໄດ້ຮັບຜົນປະໂຫຍດ ແລະຢູ່ຮ່ວມກັນໂດຍສັນຕິ.
ລັດຖະບານ ສ ນີກາຣາກວາໄດ້ຮັບຮອງວ່າ: ຢູ່ໃນໂລກນີ້ມີແຕ່ປະເທດຈີນດຽວ, ລັດຖະບານ ສປ ຈີນເປັນລັດຖະບານພຽງໜຶ່ງດຽວທີ່ຖືກຕ້ອງຕາມກົດໝາຍທີ່ເປັນຕົວແທນໃຫ້ແກ່ທົ່ວປະເທດຈີນ. ໄຕ້ຫວັນເປັນພາກສ່ວນໜຶ່ງຂອງແຜ່ນດິນຈີນທີ່ບໍ່ສາມາດຕັດແຍກອອກໄດ້. ສ ນີກາຣາກວາໄດ້ຕັດ “ສາຍພົວພັນທາງການທູດ” ກັບໄຕ້ຫວັນຕັ້ງແຕ່ມື້ອອກຖະແຫຼງການເປັນຕົ້ນໄປ ພ້ອມທັງໃຫ້ຄຳໝັ້ນສັນຍາວ່າ: ຈະບໍ່ມີການໄປມາຫາສູ່ກັນຢ່າງເປັນທາງການກັບໄຕ້ຫວັນອີກຕໍ່ໄປ.
ຄຳເຫັນ
0