ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ທັນວາຂອງແຕ່ລະປີແມ່ນວັນສິດທິມະນຸດໂລກ. ໂດຍແນໃສ່ບາງປະເທດຕາເວັນຕົກທີ່ສະແດງຄວາມເປັນຫ່ວງ ຕໍ່ສະພາບສິດທິມະນຸດຂອງຈີນ, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ຕອບຄຳຖາມທີ່ກ່ຽວຂ້ອງໃນກອງປະຊຸມຖະແຫຼງຂ່າວທີ່ຈັດຂຶ້ນໃນມື້ດຽວກັນວ່າ, ຮູບແບບຮັບປະກັນສິດທິມະນຸດຊະນິດໜຶ່ງແມ່ນມີຜົນດີຫຼືບໍ່, ສຳຄັນແມ່ນຢູ່ບ່ອນວ່າ ຮູບແບບຮັບປະກັນນັ້ນແມ່ນສອດຄ່ອງກັບຜົນປະໂຫຍດຂອງປະຊາຊົນຫຼືບໍ່,ວຽກງານສິດທິມະນຸດຂອງປະເທດໜຶ່ງດີຫຼືບໍ່ດີ, ສຳຄັນແມ່ນຢູ່ບ່ອນວ່າ, ມັນສາມາດເຮັດໃຫ້ປະຊາຊົນມີຄວາມຮູ້ສຶກວ່າ ໄດ້ຮັບຜົນປະໂຫຍດເພີ່ມຂຶ້ນ, ມີຄວາມສຸກເພີ່ມຂຶ້ນແລະມີຄວາມປອດໄພດີນັ້ນ ໄດ້ຫຼືບໍ່. ຊີວິດການເປັນຢູ່ທີ່ມີຄວາມສຸກຂອງປະຊາຊົນ ຈຶ່ງແມ່ນສິດທິມະນຸດທີ່ໃຫຍ່ກວ່າໝູ່.
ນອກນີ້, ທ່ານວ່າງເວີນປິ່ນຍັງກ່າວເນັ້ນວ່າ, ຈີນໃຫ້ຄວາມສຳຄັນຢ່າງສູງຕໍ່ການຊຸກຍູ້ແລະປົກປ້ອງສິດທິມະນຸດ, ປະຫວັດສາດ 100 ປີຂອງພັກກອມມູນິດຈີນ, ກໍແມ່ນ 100 ປີແຫ່ງການຍາດແຍ່ງສິດທິມະນຸດ, ເຄົາລົບສິດທິມະນຸດ, ຮັບປະກັນສິດທິມະນຸດແລະພັດທະນາສິດທິມະນຸດ.
“ຈີນໄດ້ຖືການພັດທະນາຕົນເອງຕິດພັນກັບການພັດທະນາຂອງມວນມະນຸດ ມາໂດຍຕະຫຼອດ, ແລະສຸມກຳລັງເຂົ້າໃນການຊຸກຍູ້ການພັດທະນາພາລະກິດສິດທິມະນຸດໂລກຢ່າງສະເໝີຕົ້ນສະເໝີປາຍ, ຈີນສົ່ງເສີມຄ່ານິຍົມຮ່ວມຂອງມວນມະນຸດ ທີ່ມີສັນຕິພາບ, ການພັດທະນາ, ຍຸດຕິທຳ, ປະຊາທິປະໄຕແລະເສລີພາບ, ຈີນໃຫ້ຄວາມເຫັນ, ທັງມີເຈດຈຳນົງ ແລະມີການປະກອບສ່ວນຂອງຕົນ, ເພື່ອເຮັດໃຫ້ການບໍລິຫານສິດທິມະນຸດທົ່ວໂລກໄດ້ຮັບການປັບປຸງແລະສົມບູນຂຶ້ນ.”
ຄຳເຫັນ
0