ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ທັນວານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງ ສານຊົມເຊີຍເຖິງເວທີປຶກສາຫາລືວິທະຍາສາດເຂດອ່າວໃຫຍ່ກວາງຕຸ້ງ-ຮົງກົງ-ມາກາວປີ 2021.
ທ່ານສີຈິ້ນຜິງຊີ້ອອກວ່າ, ໃນໂລກປະຈຸບັນພວມປະເຊີນກັບການປ່ຽນແປງອັນໃຫຍ່ຫຼວງທີ່ບໍ່ເຄີຍມີມາໃນຮອບຮ້ອຍປີ, ການປະດິດສ້າງໃໝ່ດ້ານວິທະຍາສາດເຕັກນິກຂອງໂລກໄດ້ເຂົ້າສູ່ໄລຍະທີ່ເຄື່ອນໄຫວຢ່າງຟົດຟື້ນ, ການປະຕິຮູບດ້ານວິທະຍາສາດເຕັກນິກ ແລະ ການປ່ຽນແປງໃໝ່ດ້ານອຸດສາຫະກຳຮອບໃໝ່ໄດ້ມີບົດບາດຢ່າງເລິກເຊິ່ງຕໍ່ໂຄງປະກອບເສດຖະກິດຂອງໂລກ. ເຂດອ່າວໃຫຍ່ກວາງຕຸ້ງ-ຮົງກົງ-ມາກາວຕ້ອງປິ່ນອ້ອມຍຸດທະສາດທີ່ສ້າງສູນປະດິດສ້າງໃໝ່ດ້ານວິທະຍາສາດເຕັກນິກໃນສາກົນ, ພະຍາຍາມສ້າງຈຸດຍຸດທະສາດໃນການປະດິດສ້າງໃໝ່ດ້ານວິທະຍາສາດເຕັກນິກຂອງໂລກ, ຊຸກຍູ້ການພັດທະນາອຸດສາຫະກຳທີ່ເກີດຂຶ້ນໃໝ່. ຈີນຍິນດີຮ່ວມກັບນັກວິທະຍາສາດຂອງບັນດາປະເທດ ແລະ ອົງການຈັດຕັ້ງວິທະຍາສາດເຕັກນິກສາກົນ, ຮັດແໜ້ນການແລກປ່ຽນ ແລະ ການຮ່ວມມືສາກົນ, ເພີ່ມທະວີການຄົ້ນຄວ້າບັນຫາສຳຄັນດ້ານວິທະຍາສາດ, ຊຸກຍູ້ການແກ້ໄຂບັນຫາດ້ານວິທະຍາສາດເຕັກນິກທີ່ມີລັກສະນະຄ້າຍຄືກັນ, ລົງເລິກການປະສານງານໃນໂຄງການວິທະຍາສາດທີ່ສຳຄັນ, ຮ່ວມກັນຊຸກຍູ້ການພັດທະນາພາລະກິດວິທະຍາສາດຂອງໂລກ, ສ້າງຄວາມສຸກໃຫ້ກັບມວນມະນຸດຫຼາຍກວ່າເກົ່າ.
ຄຳເຫັນ
0