ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 11 ທັນວານີ້ຕາມເວລາທ້ອງຖິ່ນ, ປາແລັສຕີນໄດ້ຈັດການປ່ອນບັດຮອບທີໜຶ່ງຂອງການເລືອກຕັ້ງຂັ້ນທ້ອງຖິ່ນ. ໂດຍໄດ້ດຳເນີນຢູ່ເມືອງ,ຕາແສງແລະຊົນນະບົດ 154 ແຫ່ງຂອງເຂດແຄມຝັ່ງແມ່ນ້ຳຈໍແດນ,ແລະຈະສິ້ນສຸດລົງໃນເວລາ 19 ໂມງຂອງວັນທີ 11 ທັນວານີ້ຕາມເວລາທ້ອງຖິ່ນ,ຜົນສຸດທ້າຍຈະເປີດເຜີຍພາຍໃນເວລາ 72 ຊົ່ວໂມງຫຼັງການສິ້ນສຸດການປ່ອນບັດ. ນອກຈາກເຂດດັ່ງກ່າວແລ້ວ, ການປ່ອນບັດເລືອກຕັ້ງໄລຍະທີສອງທີ່ກວມເຖິງອີກ 66 ເຂດຈະຈັດຂຶ້ນໃນເດືອນມີນາປີໜ້າ.
ການເລືອກຕັ້ງຂັ້ນທ້ອງຖິ່ນຄັ້ງນີ້ໄດ້ຮັບການຕໍ່ຕ້ານຈາກອົງການຮາມັສເຊິ່ງເປັນອົງການເຄື່ອນໄຫວຕໍ່ຕ້ານອິສລາມຂອງປາແລັສຕີນ. ຕາມແຜນການເດີມ,ປາແລັສຕີນໄດ້ຕົກລົງຈະຈັດການເລືອກຕັ້ງທົ່ວໄປຮອບດ້ານຂອງຄະນະກຳມະການນິຕິບັນຍັດໃນເດືອນພຶດສະພາປີນີ້,ແຕ່ທ່ານ ມາຮາມຸດ ອັບບັສ ປະທານາທິບໍດີປາແລັສຕີນໄດ້ກ່າວໃນເດືອນເມສາປີນີ້ວ່າ: ເນື່ອງຈາກຄວາມຈຳກັດຈາກຝ່າຍອິສຣາແອນ,ປະຊາຊົນຢູ່ເຂດເຢລູຊາເລັມຕາເວັນອອກຂອງປາແລັສຕີນຈະເຂົ້າຮ່ວມການປ່ອນບັດເລືອກຕັ້ງຍາກ,ສະນັ້ນຈຶ່ງໄດ້ປະກາດເລື່ອນເວລາການເລືອກຕັ້ງທົ່ວໄປຮອບດ້ານໂດຍບໍ່ມີເວລາກຳນົດ.
ຄຳເຫັນ
0