ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ທັນວານີ້, ລັດຖະບານມາເລເຊຍປະກາດວ່າ: ກອງປະຊຸມຄະນະລັດຖະບານມາເລເຊຍທີ່ຈັດຂຶ້ນໃນມື້ດຽວກັນ ໄດ້ອະນຸຍາດໃຫ້ເປີດທຸກຂົງເຂດທີ່ໄດ້ຮັບການອະນຸມັດຕໍ່ແຮງງານຕ່າງປະເທດຢ່າງຮອບດ້ານ ເຊິ່ງໝາຍຄວາມວ່າ: ບໍ່ພຽງແຕ່ຂະແໜງການປູກຝັງເທົ່ານັ້ນ, ໂຄງການກະສິກຳອື່ນໆ, ຂະແໜງການຜະລິດ, ຂະແໜງການຂຸດຄົ້ນບໍ່ແຮ່, ຂະແໜງການກໍ່ສ້າງ ແລະ ຂະແໜງການບໍລິການເປັນຕົ້ນ ລ້ວນແຕ່ເປີດປະຕູຕໍ່ແຮງງານຕ່າງປະເທດໝົດຄືນໃໝ່. ນີ້ແມ່ນມາເລເຊຍໄດ້ເປີດຮັບແຮງງານຕ່າງປະເທດຄືນໃໝ່ ຫຼັງຈາກໄດ້ໂຈະການຮັບເອົາແຮງງານຕ່າງປະເທດເປັນເວລາ 1 ປີປາຍຍ້ອນການແຜ່ລະບາດຂອງພະຍາດໂຄວິດ-19.
ຕົວເລກສຳຫຼວດທີ່ສະພາການຄ້າທົ່ວປະເທດມາເລເຊຍເປີດເຜີຍໃນເດືອນຕຸລາປີນີ້ສະແດງໃຫ້ເຫັນວ່າ: ປັດຈຸບັນ, ແຮງງານຕ່າງປະເທດທີ່ຊອບກົດໝາຍຂອງມາເລເຊຍມີປະມານ 1,1 ລ້ານຄົນ, ໄດ້ຫຼຸດລົງ 1 ສ່ວນ 3 ເມື່ອທຽບໃສ່ປີ 2018. ແຮງງານຕ່າງປະເທດທີ່ຊອບກົດໝາຍໄດ້ຫຼຸດລົງ, ເຮັດໃຫ້ຫຼາຍຂະແໜງການຂອງມາເລເຊຍຂາດແຮງງານ, ພຽງແຕ່ຂະແໜງການປູກຝັງເທົ່ານັ້ນ, ກໍໄດ້ຂາດແຮງງານປະມານ 75.000 ຄົນ.
ຄຳເຫັນ
0