ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ທັນວານີ້, ງານວາງສະແດງເຄື່ອງປະກອບການທ່ອງທ່ຽວຈີນ-ອາຊຽນຄັ້ງທີ 2 ປີ 2021 ໄດ້ໄຂຂຶ້ນຢູ່ສູນວາງສະແດງສາກົນຫຼີວໂຈ່ວ
ເຂດກວາງຊີຂອງ ສປ ຈີນ.
ຫົວຂໍ້ຕົ້ນຕໍຂອງງານວາງສະແດງຄັ້ງນີ້ແມ່ນ “ເຕົ້າໂຮມຊັບພະຍາກອນອຸດສາຫະກຳ,ຮ່ວມກັນສ້າງສູນການພັດທະນາ”,ເພື່ອເຕົ້າໂຮມຍີ່ຫໍ້ແລະຜະລິດຕະພັນເຄື່ອງປະກອບການທ່ອງທ່ຽວພາຍໃນແລະສາກົນ,ວາງສະແດງເຄື່ອງປະກອບການທ່ອງທ່ຽວໃໝ່,ເຕັກນິກໃໝ່,ການພັດທະນາໃໝ່,ເພື່ອດຶງດູດວິສາຫະກິດນຳໜ້າໃນການຜະລິດເຄື່ອງປະກອບການທ່ອງທ່ຽວແບບວິຊາການແລະມີຂະໜາດໃຫຍ່ໃຫ້ຫຼາຍກວ່າເກົ່າ,ສ້າງຍີ່ຫໍ້ເຄື່ອງປະກອບການທ່ອງທ່ຽວຂອງງານວາງສະແດງວິຊາການທີ່ມີຈຸດພິເສດຈະແຈ້ງແລະຫົວຂໍ້ອັນພົ້ນເດັ່ນຕື່ມອີກ.
ງານວາງສະແດງຄັ້ງນີ້ຈະຈັດຂຶ້ນເປັນເວລາ 3 ວັນ, ມີເນື້ອທີ່ 33 ພັນຕາແມັດ,ໄດ້ຈັດຕັ້ງເຂດວາງສະແດງຕາມຫົວຂໍ້ 12 ເຂດ,ຜະລິດຕະພັນທີ່ວາງສະແດງໃນງານກວມເຖິງອຸປະກອນ,ໂຄງລ່າງແລະການບໍລິການດ້ານອຸດສາຫະກຳການທ່ອງທ່ຽວ. ນອກຈາກການວາງສະແດງແລ້ວ,ໃນໄລຍະຈັດງານຍັງຈະຈັດກອງປະຊຸມສຸດຍອດການພັດທະນາເຄື່ອງປະກອບການທ່ອງທ່ຽວຈີນ-ອາຊຽນຄັ້ງທີ 2, ກອງປະຊຸມສົ່ງເສີມການດຳເນີນທຸລະກິດແລະການທັດສະນະສຶກສາແລະກິດຈະກຳອື່ນໆ.
ຄຳເຫັນ
0