ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ທັນວານີ້, ສື່ມວນຊົນອາເມຣິກາລາຍງານວ່າ, ໃນຕອນຄ່ຳວັນທີ 10 ທັນວານີ້, 6 ລັດຢູ່ພາກກາງຂອງອາເມຣິກາໄດ້ເກີດລົມຫົວກຸດຢ່າງໜ້ອຍ 30 ກວ່າເທື່ອ, ນັບມາຮອດປັດຈຸບັນສົ່ງຜົນເຮັດໃຫ້ຢ່າງໜ້ອຍມີຜູ້ເສຍຊີວິດ 80 ກວ່າຄົນ.
ຂ່າວແຈ້ງຕື່ມວ່າ, 6 ລັດທີ່ເກີດລົມຫົວຸດແມ່ນ ລັດອາຄັນຊັສ, ລັດມິຊິຊິບີ, ລັດອິລິນອຍ, ລັດເຄນທາກີ, ລັດເທັນເນຊີແລະລັດມິຊູຣີ.
ອີງຕາມຕົວເລກຂອງເວັບໄຊຕິດຕາມພະລັງໄຟຟ້າແຫ່ງຊາດອາເມຣິກາ, ລົມຫົວກຸດເທື່ອນີ້ສົ່ງຜົນເຮັດໃຫ້ຫຼາຍກວ່າ 3 ແສນ 3 ໝື່ນກວ່າຄອບຄົວຂອງ 4 ລັດອາເມຣິກາໄຟຟ້າຂາດ. ໃນໂອກາດອົງການອຸຕຸນິຍົມແຫ່ງຊາດອາເມຣິກາປະກາດການເຕືອນໄພລົມຫົວກຸດລ່ວງໜ້າເມື່ອວັນທີ 10 ທັນວານີ້ກ່າວວ່າ: ຄາດວ່າຢ່າງໜ້ອຍມີປະຊາກອນ 25 ລ້ານຄົນຈະໄດ້ຮັບຜົນກະທົບຈາກລົມຫົວກຸດເທື່ອນີ້.
ຄຳເຫັນ
0