ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 9 ທັນວານີ້, ນີກາຣາກວາໄດ້ປະກາດຕັດອັນທີ່ເອີ້ນວ່າ “ສາຍພົວພັນທາງການທູດ” ກັບ ໄຕ້ຫວັນ. ວັນທີ 10 ທັນວານີ້, ຈີນ ແລະ ນີກາຣາກວາໄດ້ເຊັນຖະແຫຼງການຮ່ວມກ່ຽວກັບການຟື້ນຟູສາຍພົວພັນທາງການທູດ. ທ່ານດານີວ ອໍຕີກາ ປະທານາທິບໍດີນີກາຣາກວາກ່າວວ່າ, ນີກາຣາກວາ ແລະ ຈີນຟື້ນຟູສາຍພົວພັນທາງການທູດນຳກັນຖືວ່າເປັນຂ່າວດີສຳລັບປະຊາຊົນນີກາຣາກວາ. ທ່ານຍັງກ່າວວ່າ, ປັດຈຸບັນ ຈີນໄດ້ພັດທະນາໃນຂົງເຂດຕ່າງໆ ເຊັ່ນ: ເສດຖະກິດ, ຊີວິດການເປັນຢູ່ຂອງປະຊາຊົນ ພ້ອມທັງວິທະຍາສາດເຕັກໂນໂລຊີເປັນຕົ້ນຢ່າງວ່ອງໄວ. ຈີນໄດ້ຂະຫຍາຍການພົວພັນກັບປະເທດເຂດອາເມຣິກາລາຕິນ ແລະ ກາຣໍອິບຢ່າງບໍ່ຢຸດຢັ້ງໂດຍຜ່ານກົນໄກຕ່າງໆ ເຊັ່ນ: ເວທີປຶກສາຫາລືຈີນ-ປະຊາຄົມອາເມຣິກາລາຕິນເປັນຕົ້ນ.
ພາຍຫຼັງລັດຖະບານນີກາຣາກວາໄດ້ຕັດສິນໃຈຕັດສາຍພົວພັນທາງການທູດກັບໄຕ້ຫວັນ ແລະ ສ້າງສາຍພົວພັນທາງການທູດກັບຈີນຄືນໃໝ່ແລ້ວ, ວົງການຕ່າງໆໃນນີກາຣາກວາກໍ່ໄດ້ຕີລາຄາສູງຕໍ່ກັບເລື່ອງນີ້ ແລະ ກ່າວວ່າລັດຖະບານໄດ້ຕັດສິນໃຈຖືກຕ້ອງແລ້ວ.
ຄຳເຫັນ
0