ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງກ່ອນນີ້ບໍ່ດົນ, ຕວກເມນີສະຖານໄດ້ຈັດເວທີປຶກສາຫາລືສາກົນ ເພື່ອສະຫຼອງວັນທີ່ຕວກເມນີສະຖານໄດ້ຮັບຖານະເປັນປະເທດເປັນກາງຖາວອນຄົບຮອບ 26 ປີ. ທ່ານເກີບັນກູຣີ ເປີດີມູຄາເມໂດຟ ປະທານາທິບໍດີຕວກເມນີສະຖານ, ຜູ້ຕາງໜ້າອົງການຈັດຕັ້ງສາກົນຫຼາຍແຫຼ່ງ ພ້ອງທັງທ່ານທູດປະເທດຕ່າງໆປະຈຳຕວກເມນີສະຖານໄດ້ເຂົ້າຮ່ວມກິດຈະກຳດັ່ງກ່າວ. ທ່ານເບີດີມູຄາເມໂດຟໄດ້ຮຽກຮ້ອງໃຫ້ປະເທດຕ່າງໆໃນໂລກສ້າງສາຍພົວພັນຮ່ວມມືທີ່ປອດໃສ ແລະ ຕັ້ງໜ້າ, ພ້ອມກັນຊຸກຍູ້ໃຫ້ທົ່ວໂລກມີສັນຕິພາບ ແລະ ການພັດທະນາ.
ທ່ານເປີດີມູຄາເມໂດຟກ່າວຕື່ມວ່າ,ຕວກເມນີສະຖານຈະສືບຕໍ່ປັບປຸງສາຍພົວພັນຄູ່ຮ່ວມຍຸດທະສາດ ກັບ ຈີນ ແລະ ຣັດເຊຍໃຫ້ໝັ້ນຄົງ, ການພົວພັນລະຫວ່າງຕວກເມນີສະຖານ-ຈີນ,ຕວກເມນີສະຖານ-ຣັດເຊຍໄດ້ຂະຫຍາຍຕົວຢ່າງໝັ້ນຄົງ ເຊິ່ງຈະບໍ່ໄດ້ຮັບຜົນກະທົບຈາກປັດໄຈພາຍນອກ.
ວັນທີ 12 ທັນວາປີ 1995, ອົງການສະຫະປະຊາຊາດໄດ້ຮັບຮອງຖານະປະເທດຕວກເມນີສະຖານເປັນປະເທດເປັນກາງຖາວອນ ແລະ ຈັດເອົາວັນທີ 12 ທັນວາເປັນ “ວັນເປັນກາງ” ຂອງຕວກເມນີສະຖານ.
ຄຳເຫັນ
0