ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳຂອງວັນທີ 10 ທັນວານີ້ຕາມເວລາທ້ອງຖິ່ນ, ລັດເຄັນຕັກກີ, ອີລີນອຍສ, ເທັນເນສຊີເປັນຕົ້ນຂອງອາເມຣິກາໄດ້ປະສົບກັບລົມພາຍຸໂທນາໂດ, ມາຮອດປັດຈຸບັນ, ໄດ້ມີຜູ້ເສຍຊີວິດ 100 ກວ່າຄົນ ແລະເຮັດໃຫ້ເສດຖະກິດໄດ້ຮັບຄວາມເສຍຫາຍຈຳນວນຫລວງຫລາຍ. ທ່ານ ໂຈ ໄບເດັນ ປະທານາທິບໍດີອາເມຣິກາໄດ້ປະກາດວ່າລັດເຄັນຕັກກີໄດ້ເຂົ້າສູ່ພາວະສຸກເສີນແລ້ວ.
ສຳລັບເລື່ອງນີ້, ທ່ານຫວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຂ່າວປະຈຳທີ່ຈັດຂຶ້ນໃນຕອນບ່າຍວັນທີ 13 ທັນວານີ້ວ່າ: ປະເທດຈີນໄດ້ສະແດງຄວາມເຫັນອົກເຫັນໃຈ ແລະສົ່ງຄວາມຢື້ຢາມຖາມຂ່າວເຖິງ 6 ລັດທີ່ຢູ່ພາກກາງຂອງອາເມຣິກາ, ເຊັ່ນ: ລັດເຄັນຕັກກີ, ອີລີນອຍສ, ເທັນເນສຊີ ແລະລັດອື່ນໆທີ່ໄດ້ປະສົບໄພພິບັດຈາກລົມພາຍຸໂທນາໂດໃນຫວ່າງມໍ່ໆມານີ້, ເຊິ່ງໄດ້ເຮັດໃຫ້ຫລາຍຄົນເສຍຊີວິດ ແລະບາດເຈັບ, ທັງສ້າງຄວາມເສຍຫາຍໃຫ້ກັບເສດຖະກິດເປັນຈຳນວນຫລວງຫລາຍ. ຫວັງວ່າປະຊາຊົນອາເມຣິກາທີ່ໄດ້ຮັບບາດເຈັບຈະສາມາດຟື້ນຟູສຸຂະພາບໃຫ້ຫາຍໂດຍໄວ ແລະປະຊາຊົນອາເມຣິກາທີ່ປະສົບໄພກໍຈະສາມາດຟື້ນຟູການສ້າງສາຄືນໃໝ່ໄດ້ໂດຍໄວ.
ຄຳເຫັນ
0