ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ທັນວານີ້ຕາມເວລາທ້ອງຖິ່ນ, ອົງການອະນາໄມໂລກໄດ້ຈັດກອງປະຊຸມຂ່າວປະຈຳກ່ຽວກັບພະຍາດໂຄວິດ-19. ທ່ານເຕໂດຼສ ເກເບຼເຢຊູສ ຜູ້ອຳນວຍການໃຫຍ່ອົງການອະນາໄມໂລກກ່າວວ່າ: ຈຳນວນວັກຊີນໂຄວິດ-19ທີ່ ແຜນດຳເນີນງານວັກຊີນໂຄວິດ-19ໄດ້ຂົນສົ່ງໄປໃຫ້ຫລາຍປະເທດໃນ 10 ອາທິດທີ່ຜ່ານມາແມ່ນຫລາຍກວ່າຈຳນວນວັກຊີນທັງໝົດຂອງ 9 ເດືອນຂອງປີນີ້, ແຕ່ມີປະເທດສ່ວນໜຶ່ງຍັງຜະເຊີນກັບສິ່ງທ້າທາຍໃນດ້ານການສັກວັກຊີນ, ອົງການອະນາໄມໂລກ ແລະຄູ່ຮ່ວມມືພວມຮ່ວມມືກັບປະເທດເຫລົ່ານີ້ຢ່າງໃກ້ຊິດເພື່ອແກ້ໄຂຄວາມຫຍຸ້ງຍາກ.
ທ່ານເຕໂດຼສ ເກເບຼເຢຊູສກ່າວເນັ້ນວ່າ: ອັດຕາການສັກວັກຊີນໂຄວິດ-19ລະຫວ່າງບັນດາປະເທດມີຄວາມແຕກໂຕນກັນຫລາຍຢູ່, ມີ 41 ປະເທດຍັງບໍ່ສາມາດສັກວັກຊີນໃຫ້ປະຊາຊົນພາຍໃນປະເທດຕົນໄດ້ເຖິງ 10% ແລະມີ 98 ປະເທດຍັງບໍ່ທັນສາມາດສັກວັກຊີນໃຫ້ປະຊາຊົນພາຍໃນປະເທດຕົນໄດ້ 40%. ທ່ານເຕໂດຼສ ເກເບຼເຢຊູສຮຽກຮ້ອງໃຫ້ສະພາບການທີ່ບໍ່ສະເໝີພາບສິ້ນສຸດລົງ, ຖ້າບໍ່ດັ່ງນັ້ນ, ພະຍາດໂຄວິດ-19ຈະສືບຕໍ່ແຜ່ລະບາດອີກ.
ຄຳເຫັນ
0