ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນວັນທີ15ທັນວານີ້,ກະຊວງການເງິນ ກະຊວງພັດທະນາຊາດ ແລະອົງການຄຸ້ມຄອງການເງິນຂອງສິງກະໂປໄດ້ອອກຖະແຫຼງການຮ່ວມໂດຍລະບຸວ່າ: ເພື່ອສະກັດກັ້ນບໍ່ໃຫ້ຕະຫຼາດເຄຫະແລະທີ່ດິນມີຄວາມຕ້ອງການຫຼາຍເກີນໄປ,ສະນັ້ນຈຶ່ງໄດ້ປະກາດມາດຕະການປັບປຸງແລະຄວບຄຸມຈຳນວນໜຶ່ງ ເພື່ອຮັບປະກັນລາຄາເຮືອນໃຫ້ຢູ່ໃນລະດັບທີ່ສາມາດຊື້ໄດ້.
ນັບແຕ່ວັນທີ16ທັນວານີ້ເປັນຕົ້ນໄປ,ມາດຕະການເຫຼົ່ານີ້ໄດ້ກວມເອົາການເພີ່ມອາກອນສະແຕມສຳລັບຜູ້ຊື້ ຫຼື ABSD ໃຫ້ສູງຂຶ້ນ,ຄືວ່າ ໃນເວລາປະຊາຊົນສິງກະໂປຊື້ເຮືອຫຼັງທີສອງແລະທີສາມ ABSD ທີ່ຕ້ອງຈ່າຍນັ້ນ ຕ່າງໄດ້ເພີ່ມຂຶ້ນ5%ແລະ10%; ປະຊາຊົນທີ່ຢູ່ຖາວອນຕ້ອງຈ່າຍເພີ່ມຂຶ້ນ10%ແລະ15%; ນອກນີ້ແລ້ວ ສຳລັບຄົນຕ່າງປະເທດທີ່ຊື້ເຮືອນຢູ່ສິງກະໂປ ABSD ທີ່ຕ້ອງຈ່າຍນັ້ນໄດ້ເພີ່ມຂຶ້ນຈາກ20%ເປັນ30%; ສ່ວນວິສາຫະກິດ ABSDທີ່ຕ້ອງຈ່າຍ ໄດ້ເພີ່ມຂຶ້ນຈາກ25%ເປັນ35%.
ຖະແຫຼງການສະບັບນີ້ໄດ້ລະບຸຕື່ມວ່າ: ນອກຈາກປະກາດມາດຕະການຫຼຸດຄວາມຕ້ອງການດັ່ງກ່າວແລ້ວ,ລັດຖະບານຍັງຈະເພີ່ມການສະໜອງເຮືອນນະໂຍບາຍ ເພື່ອຕອບສະໜອງກັບຄວາມຕ້ອງການຂອງຕະຫຼາດ.
ຄຳເຫັນ
0