ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ທັນວານີ້ຕາມເວລາທ້ອງຖິ່ນ, FED ເຊິ່ງເປັນທະນາຄານກາງອາເມຣິກາໄດ້ອອກຖະແຫລງການໂດຍລະບຸວ່າ: ຈະເລັ່ງຫລຸດຈຳນວນການຊື້ພັນທະບັດ ແລະຄາດວ່າຈະເພີ່ມອັດຕາດອກເບ້ຍພື້ນຖານ 3 ຄັ້ງໃນປີ 2022, ເພື່ອຄວບຄຸມເງິນເຟີ້.
ຕາມຂ່າວລາຍງານວ່າ: ໃນເດືອນພະຈິກທີ່ຜ່ານມາ, ທະນາຄານກາງອາເມຣິກາໄດ້ປະກາດເປັນຄັ້ງທຳອິດວ່າຈະຫລຸດຈຳນວນການຊື້ພັນທະບັດໃນແຕ່ລະເດືອນ, ສຳລັບຖະແຫລງການທີ່ປະກາດໃນວັນທີ 15 ທັນວານີ້ໄດ້ລະບຸວ່າ: ຈະເລັ່ງຈັງຫວະການຫລຸດຈຳນວນການຊື້ພັນທະບັດດັ່ງກ່າວ. ນັບແຕ່ເດືອນມັງກອນປີໜ້າເປັນຕົ້ນໄປ, ທະນາຄານກາງອາເມຣິກາຈະຫລຸດການຊື້ພັນທະບັດລັດຖະບານຈຳນວນ 20 ຕື້ໂດລາ.
ໃນປັດຈຸບັນ, ເຈົ້າໜ້າທີ່ທະນາຄານກາງອາເມຣິກາໄດ້ຄາດຄະເນວ່າ, ອັດຕາດອກເບ້ຍພື້ນຖານຂອງທະນາຄານກາງອາເມຣິກາຈະເພີ່ມຂຶ້ນຮອດ 0,9% ໃນປີ 2022, ເຊິ່ງສູງກວ່າຕົວເລກຄາດຄະເນໃນເດືອນກັນຍາປີນີ້ຄື: 0,3%.
ຄຳເຫັນ
0