ວັນທີ 14 ທັນວານີ້, ສະພາຄວາມໝັ້ນຄົງອົງການສະຫະປະຊາຊາດໄດ້ຈັດການປຶກສາຫາລືກ່ຽວກັບສັນຍາຮອບດ້ານວ່າດ້ວຍບັນຫານິວເຄຼຍອີຣານ.ຝ່າຍຕ່າງໆໄດ້ຮຽກຮ້ອງໃຫ້ອາເມຣິກາຈົ່ງຍົກເລີກການຂວ້ຳບາດອີຣານໂດຍໄວ.

    ທ່ານນາງໂຣເຊມາຣີ ດີກາໂລ ຮອງຫົວຫນ້າຫ້ອງການພະແນກວຽກງານການເມືອງ ແລະ ການສ້າງສັນຕິພາບຂອງອົງການສະຫະປະຊາຊາດກ່າວວ່າ，ສັນຍາກ່ຽວກັບບັນຫານິວເຄຼຍອີຣານເປັນຜົນງານທາງການທູດຍ້ອນຄວາມພະຍາຍາມອັນໃຫຍ່ຫຼວງຂອງຫຼາຍຝ່າຍ，ອາເມຣິກາຄວນຍົກເລີກການຂວ້ຳບາດທີ່ກ່ຽວຂ້ອງກັບອີຣານ. ພ້ອມກັນນັ້ນ ນາງຍັງຮຽກຮ້ອງໃຫ້ອີຣານກັບຄືນສູ່ການປະຕິີບັດສັນຍາດ່ັງກ່າວ.  

    ທ່ານເກີງສວງຮອງຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດກ່າວວ່າ, ກ່ອນອື່ນ ອາເມຣິກາຄວນຍົກເລີກການຂວ້ຳບາດອີຣານ ແລະ ຝ່າຍທີ 3 ຜິດກົດໝາຍ ອີຣານຄວນຟື້ນຟູການປະຕິບັດສັນຍາຢ່າງຮອບດ້ານບົນພື້ນຖານດັ່ງກ່າວ.