ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເມື່ອເວົ້າເຖິງສະເກັດລີລາເທິງນ້ຳກ້ອນ, ກໍຕ້ອງເວົ້າເຖິງນັກກິລາສະເກັດນ້ຳກ້ອນຄູ່ຜົວເມຍຊາວຈີນຄູ່ໜຶ່ງ ຄືນາງເຊີ່ນເສ ແລະທ້າວຈ້າວຮົງໂປ ເຊິ່ງເປັນແຊມໃນງານກິລາໂອລິມປິກລະດູໜາວ.
ໃນປີ 1992, ພາຍໃຕ້ການຈັບຄູ່ຂອງຄູຝຶກ, ນາງເຊີ່ນເສທີ່ມີອາຍຸ 14 ປີ ແລະທ້າວຈ້າວຮົງໂປທີ່ມີອາຍຸ 19 ປີ ໄດ້ເປັນຄູ່ຫຼິ້ນສະເກັດລີລາເທິງນ້ຳກ້ອນເປັນຄັ້ງທຳອິດ. ຫຼັງຈາກນັ້ນ, ສອງຄົນໄດ້ຮ່ວມກັນ ເປັນແຊມ 3 ຄັ້ງໃນງານຊີງຂັນສະເກັດລີລາຂອງສະຫະພັນສະເກັດສາກົນ ຫຼື ISU ແລະໄດ້ຊະນະເລີດ 6 ຄັ້ງໃນການຊີງຊະນະເລີດງານຊີງແຊມສະເກັດລີລາໂລກ.
ພາຍຫຼັງໄດ້ຮ່ວມກັນຜ່ານຜ່າຄວາມຫຍຸ້ງຍາກລຳບາກນານາປະການ ແລະມີຄວາມສຸກຄວາມມ່ວນຊື່ນຫຼາຍເທື່ອຈົນນັບບໍ່ຖ້ວນ, ຄວາມຮັກລະຫວ່າງສອງຄົນກໍເບັ່ງບານ. ໃນປີ 2007, ຫຼັງຈາກການແຂ່ງຂັນສະເກັດໃນທ່າຟຣີສະໄຕຂອງງານແຂ່ງຂັນຊີງຊະນະເລີດສະເກັດລີລາເທິງນ້ຳກ້ອນໂລກສິ້ນສຸດລົງ, ທ້າວຈ້າວຮົງໂປ ໄດ້ຄຸເຂົ່າລົງເພື່ອສູ່ຂໍນາງເຊີ່ນເສ.
ໃນງານກິລາໂອລິມປິກລະດູໜາວຢູ່ແວນຄູເວີ 2010, ພາຍຫຼັງໄດ້ຮ່ວມກັນເຂົ້າຮ່ວມການແຂ່ງຂັນເປັນເວລາ 18 ປີ, ນາງເຊີ່ນເສ ແລະທ້າວຈ້າວຮົງໂປກໍສາມາດຊີງໄດ້ຫຼຽນຄຳສະເກັດລີລາເທິງນ້ຳກ້ອນປະເພດຄູ່, ນີ້ກໍເປັນຫຼຽນຄຳຫຼຽນທຳອິດຂອງຈີນໃນລາຍການກິລາດັ່ງກ່າວ.
ຄຳເຫັນ
0