ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ທັນວານີ້, ຫ້ອງການຖະແຫຼງຂ່າວຂອງຄະນະລັດຖະບານຈີນໄດ້ເຜີຍແຜ່ປຶ້ມປົກຂາວ “ການພັດທະນາປະຊາທິປະໄຕຢູ່ຮົງກົງພາຍໃຕ້ຂອບປະເທດດຽວສອງລະບອບ” ໂດຍໄດ້ທົບທວນຄືນຕົ້ນກຳເນີດແລະການພັດທະນາປະຊາທິປະໄຕຢູ່ເຂດບໍລິຫານພິເສດຮົງກົງ, ທັງໄດ້ອະທິບາຍຈຸດຢືນແລະຫຼັກການຂອງລັດຖະບານຈີນທີ່ມີຕໍ່ການພັດທະນາປະຊາທິປະໄຕຢູ່ເຂດບໍລິຫານພິເສດຮົງກົງຕື່ມອີກ.
ປຶ້ມປົກຂາວຊີ້ໃຫ້ເຫັນວ່າ: ຮົງກົງບໍ່ມີປະຊາທິປະໄຕແມ່ນແຕ່ໜ້ອຍພາຍໃຕ້ການປົກຄອງຂອງພວກລ່າເມືອງຂຶ້ນອັງກິດ. ການພັດທະນາແລະປັບປຸງປະຊາທິປະໄຕຢູ່ເຂດບໍລິຫານພິເສດຮົງກົງໃຫ້ສົມບູນຂຶ້ນມີຄວາມໝາຍສຳຄັນຕໍ່ການຮັບປະກັນສິດປະຊາທິປະໄຕຂອງປະຊາຊົນຮົງກົງແລະຮັບປະກັນຄວາມຈະເລີນຮຸ່ງເຮືອງແລະສະຖຽນລະພາບໃນໄລຍະຍາວແລະຄວາມສະຫງົບຖາວອນຢູ່ຮົງກົງ. “ປະເທດດຽວສອງລະບອບ” ໄດ້ເປັນການຄ້ຳປະກັນພື້ນຖານການພັດທະນາປະຊາທິປະໄຕຢູ່ເຂດບໍລິຫານພິເສດຮົງກົງ.
ປຶ້ມປົກຂາວຍັງລະບຸວ່າ: ການຈັດຕັ້ງປະຕິບັດຫຼັກການ “ປະເທດດຽວສອງລະບອບ” ຢູ່ຮົງກົງໄດ້ຮັບຜົນສຳເລັດອັນໃຫຍ່ຫຼວງ, ຮົງກົງທີ່ມີປະຊາທິປະໄຕທາງດ້ານການເມືອງ,ການບໍລິຫານຕາມກົດໝາຍຢ່າງຄົບຖ້ວນສົມບູນ,ມີເສລີພາບແລະມີການເປີດປະຕູສູ່ໂລກ,ມີສ່ວນຮ່ວມແລະມີຄວາມກົມກຽວກັນ,ມີຄວາມຈະເລີນຮຸ່ງເຮືອງແລະມີສະຖຽນລະພາບ, ແລະຮົງກົງທີ່ຮັກປະເທດຊາດແລະຫັນໜ້າສູ່ໂລກນັ້ນຈະປະກົດສູ່ສາຍຕາຂອງຊາວໂລກໄດ້ເປັນຢ່າງດີກວ່າເກົ່າ, ການຈັດຕັ້ງປະຕິບັດຫຼັກການ “ປະເທດດຽວສອງລະບອບ” ຢູ່ຮົງກົງຈະປະສົບຜົນສຳເລັດອັນໃຫຍ່ຫຼວງກວ່າເກົ່າຢ່າງແນ່ນອນ.
ຄຳເຫັນ
0