ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມສະໄໝວິສາມັນຂອງສະພາມົນຕີລັດຖະມົນຕີກະຊວງການຕ່າງປະເທດຂອງອົງການຮ່ວມມືອິສລາມຄັ້ງທີ 17 ໄດ້ຈັດຂຶ້ນຢູ່ນະຄອນຫຼວງອິສລາມາບັດປະເທດປາກິສະຖານໃນວັນທີ 19 ທັນວານີ້,ໂດຍໄດ້ສຸມໃສ່ບັນຫາອັຟການິສະຖານແລະໄດ້ຮຽກຮ້ອງໃຫ້ປະຊາຄົມໂລກຊ່ວຍແກ້ໄຂວິກິດການດ້ານມະນຸດສະທຳທີ່ອັຟການິສະຖານພວມຜະເຊີນຢູ່.
ໃນກອງປະຊຸມຖະແຫຼງຂ່າວທີ່ຈັດຂຶ້ນຫຼັງປິດກອງປະຊຸມໃນມື້ດັ່ງກ່າວ, ທ່ານ ຊາເມດມູດ ຄຸຣີຊີ ລັດຖະມົນຕີກະຊວງການຕ່າງປະເທດປາກິສະຖານກ່າວວ່າ: ກອງປະຊຸມໄດ້ຮັບຮອງມະຕິກ່ຽວກັບສະພາບມະນຸດສະທຳຢູ່ອັຟການິສະຖານ,ແລະໄດ້ຕົກລົງຈະໃຊ້ຫຼາຍມາດຕະການເພື່ອໃຫ້ການຊ່ວຍເຫຼືອແກ່ປະຊາຊົນອັຟການິສະຖານເຊິ່ງລວມທັງການສ້າງຕັ້ງກອງທຶນສິນເຊື່ອເພື່ອມະນຸດສະທຳ,ດຳເນີນໂຄງການຄວາມໝັ້ນຄົງດ້ານສະບຽງອາຫານ,ແຕ່ງຕັ້ງທູດພິເສດຂອງອົງການຮ່ວມມືອິສລາມກ່ຽວກັບບັນຫາອັຟການິສະຖານ,ເພີ່ມທະວີການຮ່ວມມືກັບອົງການທີ່ກ່ຽວຂ້ອງຂອງອົງການສະຫະປະຊາຊາດ,ຮ່ວມມືກັບອົງການອະນາໄມໂລກເພື່ອສະໜອງວັກຊີນໂຄວິດ-19 ໃຫ້ແກ່ປະຊາຊົນອັຟການິສະຖານແລະອື່ນໆ.
ທ່ານ ຊາເມດມູດ ຄຸຣີຊີຍັງກ່າວຕື່ມວ່າ: ຜູ້ຕາງໜ້າທີ່ເຂົ້າຮ່ວມກອງປະຊຸມໄດ້ຮຽກຮ້ອງໃຫ້ປະຊາຄົມໂລກໃຊ້ການກະທຳຕົວຈິງໃນທັນທີ,ເພື່ອຊ່ວຍປະຊາຊົນອັຟການິສະຖານແກ້ໄຂບັນຫາຂາດແຄນອາຫານແລະບັນຫາອື່ນໆ.
ຄຳເຫັນ
0