黎明

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ທ່ານນາງເຄຣີ ລຳເຊງເຢັດງໍ ກ່າວວ່າ ຈະຮ່ວມມືກັບສະພານິຕິບັນຍັດສະໄໝ ໃໝ່ດ້ວຍຄວາມຈິງໃຈເພື່ອພັດທະນາຮົງກົງ

2021-12-21 15:20:48 CRI

ການເລືອກຕັ້ງສະພານິຕິບັນຍັດສະໄໝທີ 7 ຂອງເຂດບໍລິຫານພິເສດຮົງກົງ ສປ ຈີນໄດ້ປະກາດຜົນທັງໝົດແລ້ວໃນຕອນເຊົ້າຂອງວັນທີ 20 ທັນວານີ້. ໃນວັນດຽວກັນ, ທ່ານນາງເຄຣີ ລຳເຊງເຢັດງໍ ຜູ້ວ່າການເຂດບໍລິຫານພິເສດ ຮົງກົງ ໄດ້ໃຫ້ສຳພາດຕໍ່ສື່ມວນຊົນ ໂດຍກ່າວວ່າ: ຈະຮ່ວມມືກັບສະພານິຕິບັນ ຍັດສະໄໝໃໝ່ດ້ວຍຄວາມຈິງໃຈ ເພື່ອຮ່ວມກັນຊຸກຍູ້ການພັດທະນາເສດ ຖະກິດຮົງກົງ ແລະ ເຊື່ອມໂຍງເຂົ້າກັບສະພາບລວມໃນການພັດທະນາ ປະເທດຊາດ, ສຸມໃສ່ການປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ສ້າງຄວາມຈະເລີນຮຸ່ງເຮືອງໃຫ້ກັບຮົງກົງ.

ທ່ານນາງເຄຣີ ລຳເຊງເຢັດງໍ ກ່າວວ່າ: ຫວັງວ່າຈະໄດ້ຮັບການແລກປ່ຽນ ຄວາມຄິດເຫັນກັບສະພານິຕິບັນຍັດສະໄໝໃໝ່ຢ່າງມີຄວາມຮັບຜິດຊອບ ແລະ ຕິດແທດຕົວຈິງກວ່າເກົ່າ ເຊິ່ງຈະເຮັດໃຫ້ພວກເຮົາສາມາດແກ້ໄຂບັນຫາທາງສັງຄົມທີ່ຄ້າງຄາມາແຕ່

ດົນນານນັ້ນໄດ້. ທ່ານຍັງໄດ້ສະແດງຄວາມຂອບໃຈຕໍ່ບຸກຄົນຕ່າງໆ ທີ່ໄດ້ຊ່ວຍ ປະສານງານ ແລະ ເຮັດໃຫ້ການເລືອກຕັ້ງສະພານິຕິບັນຍັດສະໄໝໃໝ່ນີ້ໄດ້ດຳ ເນີນໄປຢ່າງສະດວກ.

ນອກນີ້, ທ່ານນາງເຄຣີ ລຳເຊງເຢັດງໍ ຍັງກ່າວຕື່ມວ່າ:ການເລືອກຕັ້ງເທື່ອນີ້ໄດ້ ຈັດຕັ້ງປະຕິບັດຫລັກການ “ປະເທດດຽວສອງລະບອບ”, ຜູ້ສະໝັກຮັບເລືອກຕັ້ງ ທຸກທ່ານລ້ວນແຕ່ສອດຄ່ອງກັບມາດຕະຖານຂອງຫລັກການດັ່ງກ່າວ. ການປະຕິບັດໜ້າທີ່ຂອງໜ່ວຍເລືອກຕັ້ງກໍໄດ້ດຳເນີນໄປຢ່າງຍຸຕິທຳ, ເປັນທຳ, ປອດໃສໄຮ້ມົນທິນ, ມີປະສິດທິພາບສູງ ແລະ ຖືຄົນເປັນກົກ, ຜົນການເລືອກຕັ້ງກໍໄດ້ປະກາດຢ່າງທັນການໂດຍບໍ່ມີສິ່ງໃດຂັດຂ້ອງ.

ຄຳ​ເຫັນ

0