ວັນ​ທີ 21 ທັນ​ວານີ້ ຕາມ​ເວ​ລາ​ທ້ອງ​ຖິ່ນ, ອົງ​ການ​ອະ​ນາ​ໄມ​ໂລກ​ຫຼື WHO ໄດ້​ເປີດ​ເຜີຍ​ບົດ​ລາຍ​ງານ​ການ​ແຜ່​ລະ​ບາດຂອງ​ພະ​ຍາດ​ໂຄວິດ-19 ປະ​ຈຳ​ອາ​ທິດ​ໂດຍ​ຊີ້​ໃຫ້​ເຫັນ​ວ່າ: ເຊື້ອ​ໄວ​ຣັດຕົ້ນ​ຕໍທີ່​ພວມ​ແຜ່​ລະ​ບາດ​​ຢູ່ໃນໂລກ​ປະ​ຈຸ​ບັນຍັງ​ແມ່ນ​ເຊື້ອ​ໄວ​ຣັດ​ໂຄວິດ-19 ກາຍ​ພັນ​ເດວ​ຕາ. ແຕ່​ຢູ່​ປະ​ເທດ​ຈຳ​ນວ​ນ​ໜຶ່ງ​ໄດ້​ມີ​ເຊື້ອ​ໂຄວິດ-19 ​ກາຍ​ພັນ​ໂອ​ມິ​ຄ​ຣອນເລີ່ມ​ແຜ່​ລະ​ບາດໃນ​ເຂດ​ຊຸມ​ຊົນແລ້ວ.

     WHO ກ່າວ​ວ່າ: ນັບ​ມາ​ຮອດ​ເວ​ລາ 14 ໂມງ​ຂອງວັນ​ທີ 21 ທັນ​ວານີ້ ຕາມ​ເວ​ລາ​ພາກ​ກາງ​ເອີ​ຣົບ, ໃນ​ທົ່ວ​ໂລກ​ມີ 106 ປະ​ເທດ​ແລະ​ເຂດ​ແຄວ້ນໄດ້​ພົບ​ເຊື້ອ​ໄວ​ຣັດ​ກາຍ​ພັນ​ໂອ​ມິ​ຄ​ຣອນ​ແລ້ວ. ຫຼັກ​ຖານ​ໃນ​ໄລ​ຍະ​ນີ້​ສະ​ແດງ​ໃຫ້​ເຫັນ​ວ່າ: ເຊື້ອ​ໄວ​ຣັດ​ໂອ​ມິ​ຄ​ຣອນໄດ້​ແຜ່​ລະ​ບາດ​ງ່າຍກວ່າ​ເຊື້ອ​ໄວ​ຣັດ​ເດວ​ຕາ, ແລະ​ກຳ​ລັງ​ແຜ່​ລະ​ບາດ​ຢ່າງວ່ອງ​ໄວ, ສະ​ນັ້ນ, ຄວາມສ່ຽງ​ຂອງ​ເຊື້ອ​ໄວ​ຣັດໂອ​ມິ​ຄຣອນຍັງ​ຢູ່​ໃນ​ລະ​ດັບ​ສູງ​ສົມ​ຄວນ.