ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສຳນັກຂ່າວສານແຫ່ງຊາດມາເລເຊຍໄດ້ລາຍງານໃນວັນທີ 22 ທັນວານີ້ວ່າ: ຝົນຕົກໜັກຢ່າງຕໍ່ເນື່ອງທີ່ເກີດຂຶ້ນຢູ່ຫຼາຍແຫ່ງຂອງປະເທດມາເລເຊຍໃນອາທິດທີ່ຜ່ານມາໄດ້ເຮັດໃຫ້ເກີດມີໄພນ້ຳຖ້ວມຢ່າງຮ້າຍແຮງ,ປັດຈຸບັນ,ຈຳນວນຜູ້ເສຍຊີວິດໄດ້ເພີ່ມຂຶ້ນເປັນ 27 ຄົນ.
ຂ່າວລາຍງານວ່າ: ຢູ່ລັດນິກີຣີ ສະລັງງໍ ທີ່ເປັນເຂດປະສົບໄພຢ່າງໜັກໜ່ວງນັ້ນໄດ້ມີຜູ້ເສຍຊີວິດ 20 ຄົນ, ລັດປາຮາງໄດ້ມີລາຍງານວ່າມີຜູ້ເສຍຊີວິດ 7 ຄົນ. ນີ້ແມ່ນຄວາມເສຍຫາຍຄັ້ງໜຶ່ງທີ່ມີຈຳນວນຜູ້ເສຍຊີວິດຍ້ອນໄພນ້ຳຖ້ວມຢູ່ມາເລເຊຍຫຼາຍສຸດນັບແຕ່ປີ 2014 ເປັນຕົ້ນມາ.
ຫວ່າງກ່ອນນີ້ບໍ່ດົນ, ທ່ານ ອິສມາຍ ຊາບຣິ ຢາໂຄບ ນາຍົກລັດຖະມົນຕີມາເລເຊຍໄດ້ປະກາດວ່າ: ລັດຖະບານຈະເບີກງົບປະມານ 100 ລ້ານລິງກິດ(ປະມານ 23,74 ລ້ານໂດລາສະຫະລັດ)ເພື່ອນຳໃຊ້ເຂົ້າໃນການສ້ອມແປງພື້ນຖານໂຄງລ່າງທີ່ໄດ້ຮັບຜົນເສຍຫາຍຈາກໄພນ້ຳຖ້ວມ, ແຕ່ລະຄອບຄົວທີ່ປະສົບໄພຈະໄດ້ຮັບເງິນອຸດໜູນ 1 ພັນລິງກິດ(ປະມານ 237 ໂດລາ) ເພື່ອນຳໃຊ້ເຂົ້າໃນການສ້ອມແປງເຮືອນຂອງຕົນ.
ຄຳເຫັນ
0