ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າຂອງວັນທີ 24 ທັນວານີ້, ກອງປະຊຸມສຸດຍອດເວທີປຶກສາຫາລື“ເມືອງພັນເມກາບິດ”ຄັ້ງປະຖົມມະເລີກໄດ້ໄຂຂຶ້ນຢູ່ເມືອງຊີ່ງຕາວ ປະເທດຈີນ.
ໃນເວລາກ່າວຄຳປາໄສໃນກອງປະຊຸມດັ່ງກ່າວ, ທ່ານຮານເຊ້ຍ ຫົວໜ້າວິສະວະກອນຂອງກະຊວງອຸດສາຫະກຳແລະເຕັກໂນໂລຊີຂໍ້ມູນຂ່າວສານຈີນກ່າວວ່າ: ນັບມາຮອດທ້າຍເດືອນພະຈິກປີ 2021 ນີ້, ຈີນມີເສົາສົ່ງສັນຍານ 5G ຫຼາຍກວ່າ 1,396 ລ້ານອັນ, ລະບົບ 5G ໄດ້ປົກຫຸ້ມຊົນນະບົດນັບມື້ນັບກວ້າງຂວາງ; ມີຜູ້ນຳໃຊ້ໂທລະສັບມືຖື 5G ຈຳນວນ 497 ລ້ານເລກໝາຍ ເຊິ່ງໄດ້ກວມ 30,3% ຂອງຈຳນວນຜູ້ນຳໃຊ້ໂທລະສັບມືຖືໃນປະເທດຈີນ. ໃນການປະດິດສ້າງການປະຍຸກໃຊ້, ໄດ້ພັດທະນາການນຳໃຊ້ເຄືອຂ່າຍ 5G ແລະເຄືອຂ່າຍໃຍແກ້ວນຳແສງທີ່ມີຄວາມໄວລະດັບພັນເມກາບິດເພື່ອຮັບໃຊ້ໃນຂົງເຂດສາທາລະນະແລະຂະແໜງການສະເພາະ, ຈີນເປັນປະເທດນຳໜ້າໂລກໃນການພັດທະນາລະບົບ 5G ແລະຈຳນວນຜູ້ນຳໃຊ້ລະບົບ 5G.
ຄຳເຫັນ
0