ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 22 ທັນວານີ້ຕາມເວລາທ້ອງຖິ່ນ, ສະພາຄວາມໝັ້ນຄົງອົງການສະຫະປະຊາຊາດໄດ້ຮັບຮອງມະຕິ 2615 ກ່ຽວກັບການຊ່ວຍເຫຼືອດ້ານມະນຸດສະທຳໃຫ້ກັບອັຟການິສະຖານດ້ວຍຄະແນນເຫັນດີທັງໝົດ 15 ສຽງ.
ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 22 ທັນວານີ້, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ກ່າວກ່ຽວກັບເລື່ອງນີ້ວ່າ: ໃນການພິຈາລະນາກ່ຽວກັບມະຕິສະບັບນີ້, ມີບາງປະເທດສະມາຊິກສະພາຄວາມໝັ້ນຄົງໄດ້ວາງຂໍ້ຈຳກັດແລະເງື່ອນໄຂໃນການຊ່ວຍເຫຼືອດ້ານມະນຸດສະທຳໃຫ້ກັບອັຟການິສະຖານ ເຊິ່ງບໍ່ເປັນໄປຕາມຈຸດປະສົງໃນເບື້ອງຕົ້ນ.
ຈີນມີຄວາມເຫັນຢ່າງສະເໝີຕົ້ນສະເໝີປາຍວ່າ: ການຊ່ວຍເຫຼືອດ້ານມະນຸດສະທຳໃຫ້ກັບອັຟການິສະຖານບໍ່ໄດ້ຝ່າຝືນກັບມະຕິຂອງສະພາຄວາມໝັ້ນຄົງແຕ່ປະການໃດ, ການຊ່ວຍເຫຼືອດ້ານມະນຸດສະທຳພາຍໃຕ້ກໍລະນີໃດກໍ່ບໍ່ຄວນມີເງື່ອນໄຂທາງດ້ານການເມືອງ, ຍິ່ງບໍ່ຄວນຫັນເປັນບັນຫາການເມືອງ. ຈີນໄດ້ໃຫ້ຄວາມສຳຄັນໃນລະດັບສູງຕໍ່ສະພາບດ້ານມະນຸດສະທຳຢູ່ອັຟການິສະຖານ, ໄດ້ຊ່ວຍອັຟການິສະຖານແກ້ໄຂຄວາມຫຍຸ້ງຍາກດ້ານເສດຖະກິດແລະຊີວິດການເປັນຢູ່ຂອງປະຊາຊົນດ້ວຍຫຼາຍຮູບແບບ, ພ້ອມກັນນັ້ນ, ກໍ່ໄດ້ສະໜັບສະໜູນອົງການສະຫະປະຊາຊາດເສີມຂະຫຍາຍບົດບາດເປັນຜູ້ປະສານງານຫຼາຍກວ່າເກົ່າ, ຮຽກຮ້ອງໃຫ້ຄູ່ຮ່ວມມືສາກົນທັງໝົດເພີ່ມທະວີການຊ່ວຍເຫຼືອອັຟການິສະຖານ.
ຄຳເຫັນ
0