尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ທ່ານ​ນາງ ປັກ​ກິນ​ເຮ ອະ​ດີດ​ປະ​ທາ​ນາ​ທິ​ບໍ​ດີ ສ.ເກົາ​ຫຼີ ​ຈະໄດ້​ຮັບ​ການ​​ອະ​ໄພ​ຍະໂທດ​ພິ​ເສດ​ຈາກ​ທ່ານ ມູນ​ເຈ​ອິນ

2021-12-24 14:47:11 ​cri

 

ທ່ານ​ນາງ ປັກ​ກິນ​ເຮ ອະ​ດີດ​ປະ​ທາ​ນາ​ທິ​ບໍ​ດີ ສ.ເກົາ​ຫຼີ ​ຈະໄດ້​ຮັບ​ການ​​ອະ​ໄພ​ຍະໂທດ​ພິ​ເສດ​ຈາກ​ທ່ານ ມູນ​ເຈ​ອິນ_fororder_829

      ຕາມ​ສຳ​ນັກ​ຂ່າ​ວ​ສານ​ຂອງ ສ.ເກົາ​ຫຼີ ລາຍ​ງານ​ວ່າ, ລັດ​ຖະ​ບານ ສ.ເກົາ​ຫຼີ ໄດ້​ປະ​ກາດ​ແຈ້ງ​ການ​ໃນ​ວັນ​ທີ 24 ທັນ​ວາ​ນີ້​ວ່າ: ທ່ານ​ນາງ ​ປັກ​ກິນເຮ ອະ​ດີດ​ປະ​ທາ​ນາ​ທິ​ບໍ​ດີ ສ.ເກົາ​ຫຼີ ຈະ​ໄດ້​ຮັບ​ການ​ອະ​ໄພ​ຍະໂທດ​ພິ​ເສດ​ຈາກ​ທ່ານ ມູນ​ເຈ​ອິນ ປະ​ທາ​ນາ​ທິ​ບໍ​ດີ ສ.ເກົາ​ຫຼີ​ ຊຸດ​ປັດ​ຈຸ​ບັນ​ໃນ​ວັນ​ທີ 31 ທັນ​ວາ​ນີ້.

ທ່ານ​ນາງ ປັກ​ກິນ​ເຮ ອະ​ດີດ​ປະ​ທາ​ນາ​ທິ​ບໍ​ດີ ສ.ເກົາ​ຫຼີ ​ຈະໄດ້​ຮັບ​ການ​​ອະ​ໄພ​ຍະໂທດ​ພິ​ເສດ​ຈາກ​ທ່ານ ມູນ​ເຈ​ອິນ_fororder_830

      ຂ່າວ​ລາຍ​ງານ​ວ່າ: ລັດ​ຖະ​ບານ ສ.ເກົາ​ຫຼີ​ ໄດ້​ພິ​ຈາ​ລະ​ນາ​ເຖິງ​ສະ​ພາບ​ສຸ​ຂະ​ພາບ​ທີ່​ບໍ່​ດີ​ຂອງ​ທ່ານ​ນາງ ​ປັກ​ກິນ​ເຮ ຈຶ່ງ​ເຫັນ​ດີ​ໃຫ້​ມີ​ການ​ອະ​ໄພ​ຍະ​ໂທດ​ດັ່ງ​ກ່າວ. ນອກ​ຈາກ​ນີ້​ແລ້ວ, ທ່ານ ລີ​ມຽງ​ບັກ​ ອະ​ດີດ​ປະ​ທາ​ນາ​ທິ​ບໍ​ດີ ສ.ເກົາ​ຫຼີ ບໍ່​ໄດ້​ຮັບ​ການ​ພິ​ຈາ​ລະ​ນາ​ໃຫ້​ຢູ່ໃນ​ບັນ​ຊີ​ລາຍ​ຊື່​ຜູ້​ທີ່​ໄດ້​ຮັບ​ການ​ອະ​ໄພ​ຍະ​ໂທດ.
ທ່ານ​ນາງ ປັກ​ກິນ​ເຮ ອະ​ດີດ​ປະ​ທາ​ນາ​ທິ​ບໍ​ດີ ສ.ເກົາ​ຫຼີ ​ຈະໄດ້​ຮັບ​ການ​​ອະ​ໄພ​ຍະໂທດ​ພິ​ເສດ​ຈາກ​ທ່ານ ມູນ​ເຈ​ອິນ_fororder_32810c1bef224e15b4e94d514eb58b91

      ວັນ​ທີ 14 ມັງ​ກອນ​ປີນີ້, ສານສູງ​ສຸດ​ຂອງ ສ.ເກົາ​ຫຼີ ໄດ້​ຕັດ​ສິນໃນ​ຂັ້ນ​ຕອນ​ສຸດ​ທ້າຍ​ກ່ຽວ​ກັບ​ຄະ​ດີ​ຜູ້​​ໃກ້​ຊິດ​ກັບ​ທ່ານ​ນາງ ​ປັກ​ກິນ​ເຮ​ໃນ​ຂໍ້​ຫາ​ປ່ອຍ​ໃຫ້​ຄົນ​ໃກ້​ຊິດ​ແຊກ​ແຊງ​ວຽກ​ງານ​ການ​ເມືອງ​ແລະ​ຄະ​ດີ​ຮັບ​ສິນ​ບົນ,​ໂດຍໄດ້​ຕັດ​ສິນ​ນາງ ​ປັກ​ກິນ​ເຮ ​ຕິດ​ຄຸກ​ເປັນ​ເວ​ລາ 20 ປີ,ແລະ​ປັບ​ໃໝ 18 ຕື້ວອນ,​ທວງ​ຄືນ 3,5 ຕື້​ວອນ. ນອກ​ນີ້, ນາງ​ ​ປັກ​ກິນ​ເຮ ຍັງ​ໄດ້​ຖືກ​ຕັດ​ສິນ​ຕິດ​ຄຸກ 2 ປີ​ຍ້ອນ​ໄດ້​ລະ​ເມີດ​ກົດ​ໝາຍ​ວ່າ​ດ້ວຍ​ການ​ເລືອກ​ຕັ້ງ​ຕຳ​ແໜ່ງ​ຂອງ​ລັດ, ​ສະ​ນັ້ນອາ​ຍຸ​ການ​ຕິດ​ຄຸກ​ຂອງ​ນາງ ​ປັກ​ກິນ​ເຮ ລວມ​ທັງ​ໝົດ​ແມ່ນ 22 ປີ.

 

ຄຳ​ເຫັນ

0