ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກ່ຽວກັບສະພາບການຮັບປະກັນສິດ ແລະຜົນປະໂຫຍດຕ່າງດ້ານການອອກແຮງງານຂອງປະຊາຊົນບັນດາເຜົ່າຕາມກົດໝາຍໃນເຂດຊິ່ນຈ່ຽງ ສປ ຈີນ, ວັນທີ 26 ທັນວານີ້, ທ່ານອີ່ລີ້ຈ່ຽງ ອານ້າອີ່ຖີ ໂຄສົກອົງການປົກຄອງເຂດປົກຄອງຕົນເອງເຜົ່າອຸຍເກີຊິ່ນຈ່ຽງ ສປ ຈີນໄດ້ກ່າວໃນກອງປະຊຸມຖະແຫຼງຂ່າວວ່າ: ປະຊາຊົນບັນດາເຜົ່າແມ່ນປະກອບອາຊີບດ້ວຍຄວາມສະໝັກໃຈ ແລະຫາວຽກເຮັດງານທຳດ້ວຍຕົນເອງຢ່າງເຕັມສ່ວນ. ສິດ ແລະຜົນປະໂຫຍດຕ່າງໆຂອງຜູ້ອອກແຮງງານບັນດາເຜົ່າ, ຄື: ເຜົ່າອຸຍເກີເປັນຕົ້ນລ້ວນແຕ່ໄດ້ຮັບການປົກປັກຮັກສາຈາກກົດໝາຍຕ່າງໆ, ເຊັ່ນ:ລັດຖະທຳມະນູນ, ກົດໝາຍວ່າດ້ວຍແຮງງານ, ກົດໝາຍວ່າດ້ວຍສັນຍາການອອກແຮງງານ, ກົດໝາຍອາຍາ, ກົດໝາຍວ່າດ້ວຍການລົງໂທດກ່ຽວກັບການຄຸ້ມຄອງຄວາມສະຫງົບ, ກົດໝາຍວ່າດ້ວຍການສົ່ງເສີມການປະກອບອາຊີບ, ກົດໝາຍວ່າດ້ວຍການປະກັນໄພສັງຄົມ ແລະອື່ນໆ.
ທ່ານອີ່ລີ້ຈ່ຽງ ອານ້າອີ່ຖີກ່າວວ່າ: ບໍ່ວ່າແມ່ນຕີຄວາມໝາຍຈາກສົນທິສັນຍາສາກົນ, ຂໍ້ກຳນົດຕ່າງໆໃນກົດໝາຍຂອງປະເທດຈີນ ຫຼືພິຈາລະນາຕາມສະພາບຄວາມຈິງແລ້ວ, ເຂດຊິ່ນຈ່ຽງ ສປ ຈີນບໍ່ມີສະພາບການທີ່ວ່າ “ອອກແຮງງານແບບບັງຄັບ” ແຕ່ຢ່າງໃດ.
ໜຶ່ງ: ສິດປະກອບອາຊີບຢ່າງສະເໝີພາບຂອງປະຊາຊົນບັນດາເຜົ່າຢູ່ເຂດຊິ່ນຈ່ຽງໄດ້ຮັບການປົກປັກຮັກສາຈາກກົດໝາຍ.
ສອງ: ຜູ້ອອກແຮງງານບັນດາເຜົ່າຢູ່ເຂດຊິ່ນຈ່ຽງປະກອບອາຊີບດ້ວຍຄວາມສະໝັກໃຈ ແລະຫາວຽກເຮັດງານທຳດ້ວຍຕົນເອງ, ເສລີພາບສ່ວນບຸກຄົນໄດ້ຮັບການປົກປັກຮັກສາຈາກກົດໝາຍ.
ສາມ: ສິດພັກຜ່ອນ ແລະພັກວຽກຂອງຜູ້ອອກແຮງງານບັນດາເຜົ່າຢູ່ເຂດຊິ່ນຈ່ຽງໄດ້ຮັບການປົກປັກຮັກສາຈາກກົດໝາຍ.
ສີ່: ສິດການໄດ້ຮັບຄ່າແຮງງານຂອງຜູ້ອອກແຮງງານບັນດາເຜົ່າຢູ່ເຂດຊິ່ນຈ່ຽງໄດ້ຮັບການປົກປັກຮັກສາຈາກກົດໝາຍ.
ຫ້າ: ຮີດຄອງປະເພນີ, ຄວາມເຊື່ອຖືດ້ານສາສະໜາ, ພາສາ ແລະຕົວໜັງສືຂອງປະຊາຊົນຜູ້ອອກແຮງງານບັນດາເຜົ່າຢູ່ເຂດຊິ່ນຈ່ຽງລ້ວນແຕ່ໄດ້ຮັບການປົກປັກຮັກສາຈາກກົດໝາຍ.
ຄຳເຫັນ
0