ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 27 ທັນວານີ້, ສະມາຄົມຄົ້ນຄວ້າສິດທະມະນຸດຂອງຈີນໄດ້ເຜີຍແຜ່ບົດລາຍງານຜົນການຄົ້ນຄວາກ່ຽວກັບ “ການຫັນບັນຫາສິດທິມະນຸດເປັນບັນຫາການເມືອງຂອງອາເມຣິກາ ເປັນການທຳລາຍພື້ນຖານການຄຸ້ມຄອງສິດທິມະນຸດ” ໂດຍຊີ້ອອກວ່າ: ເພື່ອຮັກສາຜົນປະໂຫຍດດ້ານການເມືອງແລະຄວາມເປັນເຈົ້າອຳນາດໂລກຂອງຕົນ, ອາເມຣິກາໄດ້ຫັນບັນຫາສິດທິມະນຸດເປັນບັນຫາການເມືອງຢູ່ໃນຂົງເຂດສິດທິມະນຸດສາກົນ ເຊິ່ງໄດ້ທຳລາຍພື້ນຖານສຳຄັນໃນການຄ້ຳຊູແລະການດຳເນີນການຄຸ້ມຄອງສິດທິມະນຸດຂອງໂລກ ທັງເປັນໄພຂົ່ມຂູ່ຢ່າງຮ້າຍແຮງຕໍ່ການພັດທະນາວຽກງານສິດທິມະນຸດຂອງໂລກ ເຊິ່ງໄດ້ສ້າງຜົນຮ້າຍທີ່ມີລັກສະນະທຳລາຍຢ່າງຮ້າຍແຮງທີ່ສຸດ.
ບົດລາຍງານດັ່ງກ່າວໄດ້ລະບຸວ່າ: ອາເມຣິກາຫັນບັນຫາສິດທະມະນຸດເປັນບັນຫາການເມືອງ, ໄດ້ສ້າງຜົນກະທົບທີ່ຮ້າຍແຮງທີ່ສຸດໃຫ້ກັບການຄຸ້ມຄອງສິດທິມະນຸດໃນທົ່ວໂລກ, ໄດ້ກີດຂວາງການພັດທະນາວຽກງານສິດທິມະນຸດສາກົນທີ່ເປັນປົກກະຕິ ເຊິ່ງເຮັດໃຫ້ບາງປະເທດໄດ້ຕົກເຂົ້າສູ່ສະພາບວຸ້ນວາຍ, ທຳລາຍນິຍາມແລະອຸດົມການອັນສູງສົ່ງດ້ານສິດທິມະນຸດ. ອາເມຮິກາໄດ້ແຊກແຊງວຽກງານພາຍໃນຂອງປະເທດອື່ນໂດຍຖືບັນຫາສິດທິມະນຸດເປັນຂໍ້ອ້າງ, ລ່ວງລ້ຳອະທິປະໄຕຂອງປະເທດອື່ນ, ເຮັດໃຫ້ປະເທດເຫຼົ່ານີ້ເກີດມີສົງຄາມ ແລະເຮັດໃຫ້ປະຊາຊົນຈຳນວນຫຼວງຫຼາຍເສຍຊີວິດ, ສ້າງໄພພິບັດດ້ານສິດທິມະນຸດອີກຄັ້ງໃໝ່.
ບົດລາຍງານຍັງລະບຸຕື່ມວ່າ: ຜົນຮ້າຍທີ່ອາເມຣິກາຫັນບັນຫາສິດທິມະນຸດເປັນບັນຫາການເມືອງໄດ້ເຮັດໃຫ້ຊາວໂລກນັບມື້ນັບຮັບຮູ້ຢ່າງຈະແຈ້ງວ່າ: ການທີ່ບໍ່ຫັນບັນຫາສິດທິມະນຸດເປັນບັນຫາການເມືອງ ແມ່ນພື້ນຖານແລະປະຖົມປັດໃຈທີ່ເຮັດໃຫ້ການຄຸ້ມຄອງສິດທິມະນຸດໃນທົ່ວໂລກດຳເນີນໄປໄດ້ຢ່າງສະດວກ, ການປ້ອງກັນແລະສະກັດກັ້ນການຫັນບັນຫາສິດທິມະນຸດເປັນບັນຫາການເມືອງ ເປັນການຮັບປະກັນທີ່ສຳຄັນເພື່ອຊຸກຍູ້ວຽກງານສິດທິມະນຸດຂອງໂລກໃຫ້ພັດທະນາໄດ້ຢ່າງປອດໃສ.
ຄຳເຫັນ
0