ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນຖານະເປັນອົງການພັດທະນາຫຼາຍຝ່າຍແຫ່ງທຳອິດໃນໂລກທີ່ຈີນເປັນຜູ້ລິເລີ່ມສ້າງຂຶ້ນ, ປີນີ້ ເປັນປີທີ່ທະນາຄານລົງທຶນພື້ນຖານໂຄງລ່າງອາຊີຫຼື AIIB ໄດ້ສ້າງຕັ້ງຂຶ້ນຄົບຮອບ 6 ປີ. ຕະຫຼອດ 6 ປີໄລຍະມານີ້, ທະນາຄານ AIIB ໄດ້ຈັດຕັ້ງປະຕິບັດຕາມລັດທິຫຼາຍຝ່າຍຢ່າງຕັ້ງໜ້າ ເຊິ່ງໄດ້ກາຍເປັນແບບຢ່າງໃໝ່ໃນການຊຸກຍູ້ການຮ່ວມມືສາກົນ.
ຕະຫຼອດໄລຍະ 6 ປີມານີ້, ທະນາຄານ AIIB ໄດ້ສຸມຄວາມພະຍາຍາມໃນການຊຸກຍູ້ການພັດທະນາການກໍ່ສ້າງພື້ນຖານໂຄງລ່າງພ້ອມດ້ວຍພື້ນຖານໂຄງລ່າງການຜະລິດອື່ນໆຢູ່ປະເທດແລະເຂດແຄ້ວນທີ່ພວມພັດທະນາ. ນັບມາຮອດເດືອນຕຸລາປີນີ້, ທະນາຄານ AIIB ໄດ້ອະນຸມັດ 147 ໂຄງການ, ມູນຄ່າການລົງທຶນມີຫຼາຍກວ່າ 28,97 ຕື້ໂດລາສະຫະລັດ ໂດຍໄດ້ສ້າງຜົນປະໂຫຍດໃຫ້ແກ່ປະເທດແລະເຂດແຄວ້ນສະມາຊິກ 31 ແຫ່ງຢູ່ພາຍໃນພາກພື້ນແລະນອກພາກພື້ນ. ນັບແຕ່ປີກາຍນີ້ເປັນຕົ້ນມາ, ຍ້ອນການແຜ່ລະບາດຂອງພະຍາດໂຄວິດ-19 ຢ່າງຮ້າຍແຮງໃນທົ່ວໂລກ, ທະນາຄານ AIIB ໄດ້ໃຫ້ເງິນຊ່ວຍເຫຼືອເພື່ອສະໜັບສະໜູນການຮັບມືກັບເຫດການສາທະລະນະສຸກທີ່ເກີດຂຶ້ນຢ່າງກະທັນຫັນ, ໄດ້ສ້າງກອງທຶນຟື້ນຟູວິກິດການໂຄວິດ-19 ທີ່ມີມູນຄ່າ 10 ຕື້ໂດລາສະຫະລັດ ໂດຍໄດ້ຊ່ວຍເຫຼືອອົງການສາທາລະນະແລະພາກສ່ວນທຸລະກິດເອກະຊົນທີ່ໄດ້ຮັບຜົນກະທົບຢ່າງໜັກໜ່ວງຈາກສະພາບພະຍາດໂຄວິດ-19 ນັ້ນໃຫ້ສາມາດລະດົມທຶນໄດ້ຢ່າງວ່ອງໄວ.
ທ່ານຈ່ຽງເຢ້ຍຊຸ່ນ ຫົວໜ້າສູນການຄົ້ນຄວ້າຄວາມໝັ້ນຄົງແລະການທູດດ້ານເສດຖະກິດຂອງສະຖາບັນຄົ້ນຄວ້າບັນຫາສາກົນຈີນກ່າວວ່າ: ຫຼາຍປີມານີ້, ທະນາຄານ AIIB ໄດ້ຈັດຕັ້ງປະຕິບັດຕາມລັດທິຫຼາຍຝ່າຍຢ່າງຕັ້ງໜ້າ, ໄດ້ດຳເນີນງານຕາມມາດຕະຖານສາກົນ ແລະເປີດປະຕູໃຫ້ກັບທຸກປະເທດໃນໂລກ, ໄດ້ຮັບສະມາຊິກນັບມື້ນັບຫຼາຍຂຶ້ນດ້ວຍການກະທຳຕົວຈິງ.
ຄຳເຫັນ
0