ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານອາເລັກຊັນເດີ ໂຟມິນ ຮອງລັດຖະມົນຕີກະຊວງປ້ອງກັນປະເທດຣັດເຊຍກ່າວໃນວັນທີ 27 ທັນວານີ້ວ່າ: ອົງການນາໂຕໄດ້ຂົ່ມຂູ່ທາງການທະຫານຕໍ່ຣັດເຊຍ, ນີ້ແມ່ນສາເຫດທີ່ເຮັດໃຫ້ການພົວພັນລະຫວ່າງສອງຝ່າຍຮ້າຍແຮງຂຶ້ນ. ທ່ານກ່າວຕື່ມວ່າ: ຣັດເຊຍຫວັງວ່າຈະມີການສົນທະນາທີ່ຕັ້ງໜ້າແລະມີລັກສະນະສ້າງສັນກັບອົງການນາໂຕ.
ມື້ດຽວກັນ, ທ່ານໂຟມິນໄດ້ກ່າວໃນກອງປະຊຸມຖະແຫຼງຂ່າວທີ່ມີທີ່ປຶກສາທະຫານແລະຜູ້ຕາງໜ້າສະຖານທູດຕ່າງປະເທດປະຈຳຣັດເຊຍເຂົ້າຮ່ວມວ່າ: ນັບແຕ່ສົງຄາມເຢັນສິ້ນສຸດລົງເປັນຕົ້ນມາ, ຣັດເຊຍໄດ້ສະແຫວງຫາວິທີໃໝ່ເພື່ອໃຫ້ມີການແລກປ່ຽນການໄປມາຫາສູ່ກັນກັບອົງການນາໂຕມາໂດຍຕະຫຼອດ ເພື່ອສ້າງລະບົບຄວາມໝັ້ນຄົງໃນເອີຣົບທີ່ມີສະຖຽນລະພາບແລະສະເໝີພາບກັນ. ແຕ່ວ່າອົງການນາໂຕໄດ້ນຳໃຊ້ວິທີແບບປະສົມປະສານກັນລະຫວ່າງການຮ່ວມມືການສົນທະນາກັບການຂົ່ມຂູ່ທາງການທະຫານ ເພື່ອສະກັດກັ້ນຣັດເຊຍເປັນເວລາດົນນານມາແລ້ວ. “ຫຼາຍປີມໍ່ໆມານີ້, ອົງການນາໂຕໄດ້ນຳໃຊ້ວິທີການຂົ່ມຂູ່ທາງການທະຫານຫຼາຍກວ່າເກົ່າເພື່ອແນໃສ່ຣັດເຊຍ, ນີ້ແມ່ນສາເຫດທີ່ເຮັດໃຫ້ການພົວພັນລະຫວ່າງຣັດເຊຍແລະອົງການນາໂຕຮ້າຍແຮງຂຶ້ນຄືໃນປັດຈຸບັນ.”
ຄຳເຫັນ
0