ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 27 ທັນວານີ້, ທ່ານອັບດູນລາຮິອັນ ລັດຖະມົນຕີກະຊວງການຕ່າງປະເທດອີຣານກ່າວວ່າ: ຝ່າຍທີ່ກ່ຽວຂ້ອງກັບສັນຍາຮອບດ້ານກ່ຽວກັບບັນຫານິວເຄຼຍອີຣານໄດ້ເລີ່ມການເຈລະຈາກ່ຽວກັບການຟື້ນຟູການປະຕິບັດສັນຍາລະຫວ່າງອາເມຣິກາ-ອີຣານຮອບທີ 8 ໃນວັນທີ 27 ທັນວານີ້ຢູ່ນະຄອນຫຼວງວຽນປະເທດໂອຕຣີສ ໂດຍຈະສຸມໃສ່ການປຶກສາຫາລື “ຮ່າງແຜນການຮ່ວມສະບັບໃໝ່”.
ທ່ານອັບດູນລາຣິອັນກ່າວວ່າ: ຮ່າງແຜນການສະບັບໃໝ່ນີ້ກ່ຽວພັນເຖິງການຍົກເລີກການລົງໂທດແລະການກວດກາອີຣານ ແລະບັນຫາອື່ນໆ ເຊິ່ງເປັນບັນຫາທີ່ໄດ້ເຫັນດີນຳກັນແລ້ວໃນການເຈລະຈາຮອບຜ່ານມາລະຫວ່າງຝ່າຍຕ່າງໆ. ການເຈລະຈາຮອບໃໝ່ນີ້ຈະສຸມໃສ່ຮ່າງແຜນການສະບັບນີ້. ເວົ້າສຳລັບອີຣານແລ້ວ, ບັນຫາທີ່ສຳຄັນທີ່ສຸດຄື: ອີຣານຕ້ອງສາມາດຂາຍນ້ຳມັນເຊື້ອໄຟໂດຍບໍ່ມີຂໍ້ຈຳກັດ ແລະເງິນທີ່ໄດ້ຮັບຈາກການຂາຍນ້ຳມັນນັ້ນຕ້ອງສາມາດໂອນເຂົ້າບັນຊີທະນາຄານຂອງອີຣານດ້ວຍຮູບແບບເງິນຕາຕ່າງປະເທດໄດ້.
ຄຳເຫັນ
0