ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 27 ທັນວານີ້, ທຳນຽບຂາວອາເມຣິກາໄດ້ອອກຖະແຫຼງການວ່າ, ມື້ດຽວກັນ, ທ່ານໂຈ ໄບເດັນ ປະທານາທິບໍດີອາເມຣິກາໄດ້ລົງນາມໃນກົດໝາຍວ່າດ້ວຍການໃຫ້ສິດປ້ອງກັນປະເທດໃນສົກງົບປະມານປີ 2022.
ກ່ອນໜ້ານີ້, ຮ່າງກົດໝາຍດັ່ງກ່າວໄດ້ຖືກຮັບຮອງຢູ່ສະພາຕ່ຳ ແລະ ສະພາສູງຂອງອາເມຣິກາແລ້ວ. ອີງຕາມຮ່າງກົດໝາຍດັ່ງກ່າວ, ໃນສົກງົບປະມານປີ 2022, (ຈາກວັນທີ 1 ຕຸລາປີ 2021 - ວັນທີ 30 ກັນຍາປີ 2022), ງົບປະມານດ້ານການປ້ອງກັນປະເທດຂອງອາເມຣິກາແມ່ນ 768,2 ຕື້ໂດລາສະຫະລັດ, ໄດ້ເພີ່ມຂຶ້ນເມື່ອທຽບໃສ່ສົກການເງິນແລ້ວນີ້. ໃນນັ້ນ, 740 ຕື້ໂດລາແມ່ນນຳໃຊ້ໃນໂຄງການປ້ອງກັນປະເທດ, 27,8 ຕື້ໂດລານຳໃຊ້ເຂົ້າໃນໂຄງການອາວຸດນິວເຄຼຍ, 378 ລ້ານໂດລາຈະນຳໃຊ້ເຂົ້າໃນການເຄື່ອນໄຫວອື່ນໆທີ່ກ່ຽວຂ້ອງກັບການປ້ອງກັນປະເທດ.
ຄຳເຫັນ
0