ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນເວລາໃຫ້ສຳພາດກັບນັກຂ່າວCMG, ທ່ານຫວາງເວີນທ່າວ ລັດຖະມົນຕີກະຊວງການຄ້າຈີນໃຫ້ຮູ້ວ່າ, ໃນ 11 ເດືອນຂອງປີນີ້, ການບໍລິໂພກພາຍໃນປະເທດໄດ້ຟື້ນຄືນຢ່າງຕໍ່ເນື່ອງ, ສິນຄ້າຂາເຂົ້າຂາອອກ ແລະ ການດຶງດູດການລົງທຶນຂອງຕ່າງປະເທດໄດ້ເຕີບໂຕດ້ວຍຈັງຫວະຫຼາຍກວ່າ 20%, ການລົງທຶນຂອງຈີນຢູ່ຕ່າງປະເທດໄດ້ພັດທະນາຢ່າງໝັ້ນທ່ຽງ, ການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”ທີ່ມີຄຸນນະພາບສູງໄດ້ຮັບຄວາມຄືບໜ້າ, ການຮ່ວມມືດ້ານເສດຖະກິດການຄ້າຫຼາຍຝ່າຍ ແລະ ສອງຝ່າຍໄດ້ຮັບຄວາມຄືບໜ້າໃໝ່, ເຊິ່ງໄດ້ປະກອບສ່ວນເຂົ້າໃນການພັດທະນາເສດຖະກິດແຫ່ງຊາດຢ່າງປອດໃສ ແລະ ໝັ້ນທ່ຽງ.
ປີ 2022, ການພັດທະນາເສດຖະກິດການຄ້າໄດ້ປະເຊີນໜ້າກັບສະພາບທີ່ຂ້ຽວຂາດ ແລະ ສັບສົນ, ເມື່ອປະເຊີນໜ້າກັບຄວາມກົດດັນຈາກຄວາມຕ້ອງການຫຼຸດໜ້ອຍລົງ, ຜົນກະທົບດ້ານການສະໜອງ ແລະ ຄວາມຄາດໝາຍອ່ອນ ລົງ, ທ່ານຫວາງເວີນທ່າວກ່າວວ່າ, ຈີນຈະຊອກຫາທຸກວິທີເພື່ອຮັກສາທ່ວງທ່າການບໍລິໂພກທີ່ຟື້ນຄືນໃໝ່, ຮັກສາສະພາບພື້ນຖານດ້ານການຄ້າ ແລະ ການລົງທຶນຂອງຕ່າງປະເທດໃຫ້ໝັ້ນທ່ຽງ, ແລະຮັກສາການປະກອບສ່ວນຕໍ່ເສດຖະກິດແຫ່ງຊາດ.ສະນັ້ນຕ້ອງໄດ້ປະຕິບັດດັ່ງນີ້:
ໜຶ່ງ, ຕ້ອງຮັກສາຄວາມໝັ້ນທ່ຽງດ້ານນະໂຍບາຍ, ຮັກສາລັກສະນະຕໍ່ເນື່ອງ ແລະ ຄວາມໝັ້ນທ່ຽງຂອງນະໂຍບາຍທີ່ກ່ຽວຂ້ອງ. ສອງ, ຮັກສາຄວາມໝັ້ນທ່ຽງຂອງຫົວໜ່ວຍທຸລະກິດໃນຕະຫຼາດ, ສຸມໃສ່ແກ້ໄຂບັນຫາຫຍຸ້ງຍາກຂອງຫົວໜ່ວຍທຸລະກິດໃນຕະຫຼາດ ໂດຍສະເພາະແມ່ນວິສາຫະກິດຂະໜາດກາງ ແລະ ນ້ອຍ, ເພີ່ມທະວີການຊ່ວຍເຫຼືອ ແລະສະໜັບສະໜູນວິສາຫະກິດຢ່າງມີເປົ້າໝາຍທີ່ແນ່ນອນ. ສາມ, ຮັກສາຄວາມໝັ້ນທ່ຽງຂອງຕະຫຼາດ, ຮັກສາຕະຫຼາດບໍລິໂພກພາຍໃນປະເທດໃຫ້ດຳເນີນໄປຢ່າງໝັ້ນທ່ຽງ, ປັບປຸງ ແລະ ເປີດກວ້າງຕະຫຼາດສາກົນ, ຊຸກຍູ້ຄວາມຕ້ອງການຂອງຕະຫຼາດພາຍໃນ ແລະ ພາຍນອກໃຫ້ພັດທະນາຢ່າງມີການປະສານສົມທົບກັນ. ສີ່, ຮັກສາຄວາມໝັ້ນທ່ຽງຂອງຕ່ອງໂສ້ການສະໜອງ, ພະຍາຍາມຜ່ອນຄາຍສະພາບເຄັ່ງຕຶງຂອງກຳລັງຂົນສົ່ງສາກົນ, ຮັກສາຄວາມໂລ່ງລ່ຽນຂອງຕ່ອງໂສ້ອຸດສຫາກຳ ແລະ ຕ່ອງໂສ້ການສະໜອງຂອງໂລກ.
ຄຳເຫັນ
0