ໃນໂອກາດກ່າວປາໄສທາງວິດີໂອໃນຕອນຂ້ອນແຈ້ງວັນທີ 21 ມີນານີ້, ທ່ານ ໂວໂລດີເມຍ ເຊເລັນສກີ ປະທານາທິບໍດີອູແກຼນກ່າວວ່າ: ອູແກຼນຫວັງຈັດການເຈລະຈາກັບຣັດເຊຍຢູ່ອິສຣາແອນ. ໂດຍແມ່ນທ່ານເບນເນັດ ນາຍົກລັດຖະມົນຕີອິສຣາແອນເປັນຜູ້ໄກ່ເກ່ຍ, ແລະຈັດການເຈລະຈາລະຫວ່າງອູແກຼນກັບຣັດເຊຍ.
ທ່ານ ເຊເລັນສກີ ກ່າວຕື່ມວ່າ: ຕົນເອງໄດ້ມີຄວາມເຫັນທີ່ເປັນເອກະພາບກັນກັບທ່ານໂບຣິສ ຈອນຊັນ ນາຍົກລັດຖະມົນຕີອັງກິດ, ທ່ານຈອນຊັນຈະສະເໜີແຜນການລະອຽດທີ່ສະໜັບສະໜູນອູແກຼນໃນກອງປະຊຸມສຸດຍອດກຸ່ມ 7 ປະເທດຫຼື G7 ແລະກອງປະຊຸມສຸດຍອດນາໂຕ.