ຕາລາງລາຍການ FM93Mhz

ຈີນແລະມາລາວີເຊັນບົດບັນທຶກຄວາມເຂົ້າໃຈໃນການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”

2022-03-24 10:45:46 CRI

ວັນທີ 23 ມີນານີ້, ຈີນແລະມາລາວີໄດ້ເຊັນບົດບັນທຶກຄວາມເຂົ້າໃຈໃນການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”. ທ່ານແຕມໂບ ລັດຖະມົນຕີກະຊວງການຕ່າງປະເທດມາລາວີ ແລະ ທ່ານຫຼິວຫົງຢ໋າງ ເອກອັກຄະລັດຖະທູດຈີນປະຈຳມາລາວີໄດ້ເຂົ້າຮ່ວມພິທີທີ່ກ່ຽວຂ້ອງທີ່ຈັດຂຶ້ນຢູ່ນະຄອນຫຼວງລີລົງວີປະເທດມາລາວີ ແລະ ກ່າວຄຳປາໄສ. ມາຮອດປັດຈຸບັນ, ປະເທດທີ່ເຊັນເອກະສານຮ່ວມມືກ່ຽວກັບ “ໜຶ່ງແລວໜຶ່ງເສັ້ນທາງ” ກັບຈີນໄດ້ເພີ່ມຂຶ້ນເປັນ 149 ປະເທດ.

ມາຮອດວັນທີ 6 ກຸມພາປີ 2022, ຈີນໄດ້ເຊັນເອກະສານຮ່ວມມືໃນການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” 200 ກວ່າສະບັບ ກັບ 148 ປະເທດ ແລະ 32 ອົງການຈັດຕັ້ງສາກົນ. ຄຽງຄູ່ກັບມາລາວີໄດ້ເຊັນເອກະສານຮ່ວມມືແລ້ວ, ປະເທດທີ່ເຊັນເອກະສານຮ່ວມມືໃນການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ກັບຈີນມີເຖິງ 149 ປະເທດ.