ນັບແຕ່ສະຕະວັດທີ 19 ເປັນຕົ້ນມາ, ໝູ່ເກາະມາວວິນາສຂອງອາກຊັງຕິນ ໄດ້ຖືກປະເທດອັງກິດຍຶດຄອງເອົາ. ວັນທີ 2 ເມສາປີ 1982, ເພື່ອຍາດຄືນອະທິປະໄຕເໜືອໝູ່ເກາະມາວວິນາສ, ອາກຊັງຕິນໄດ້ກໍ່ສົງຄາມກັບອັງກິດ, ສອງຝ່າຍໄດ້ຕໍ່ສູ້ກັນເປັນເວລາ 74 ມື້, ໃນທີ່ສຸດອັງກິດໄດ້ຮັບໄຊຊະນະ.
ວັນທີ 2 ເມສາປີນີ້ແມ່ນສົງຄາມໝູ່ເກາະມາວວິນາສລະເບີດຂຶ້ນຄົບຮອບ 40 ປີ. ເຖິງວ່າແປວໄຟສົງຄາມໄດ້ມອດລົງເປັນເວລາດົນແລ້ວ, ແຕ່ສຳລັບປະຊາຊົນອາກຊັງຕິນ, ໂດຍສະເພາະແມ່ນທະຫານເກົ່າຂອງອາກຊັງຕິນທີ່ເຄີຍເຂົ້າຮ່ວມສົງຄາມເທື່ອນີ້ແລ້ວແມ່ມຄວາມຊົງຈຳຕອນໜຶ່ງທີ່ບໍ່ມີວັນຫຼົງລືມໄດ້.
ເວລາ 40 ປີຜ່ານໄປ, ທະຫານເກົ່າເຫຼົ່ານີ້, ລັດຖະບານ ແລະ ປະຊາຊົນອາກຊັງຕິນ ບໍ່ໄດ້ຢຸດເຊົາການສະແດງຄວາມຮຽກຮ້ອງຕໍ່ອະທິປະໄຕເໜືອໝູ່ເກາະມາວວິນາສ ແລະ ໃຫ້ອັງກິດກັບຄືນສູ່ການຈະເລຈາ ເພື່ອແກ້ໄຂບັນຫາລັດທິລ່າເມືອງຂຶ້ນທີ່ຕົກທອດມາແຕ່ປະຫວັດສາດນີ້.