ຕາລາງລາຍການ FM93Mhz

ກະຊວງວຽກງານຊາວອົບພະຍົບອັຟການິສະຖານແຈກຢາຍສະບຽງອາຫານທີ່ຈີນຊ່ວຍເຫຼືອນັ້ນໃຫ້ປະຊາຊົນຜູ້ທຸກຍາກ

2022-04-24 11:48:23 cri



ວັນທີ 23 ເມສານີ້, ກະຊວງວຽກງານຊາວອົບພະຍົບຂອງລັດຖະບານຊົ່ວຄາວອັຟການິສະຖານໄດ້ແຈກຢາຍສະບຽງອາຫານທີ່ໄດ້ຮັບການຊ່ວຍເຫຼືອຈາກລັດຖະບານຈີນນັ້ນໃຫ້ປະຊາຊົນຜູ້ທຸກຍາກ 1.500 ຄົນຢູ່ນະຄອນຫຼວງ ກາບູນ. ນີ້ແມ່ນສະບຽງອາຫານງວດທີ 5 ທີ່ລັດຖະບານຈີນຊ່ວຍເຫຼືອອັຟການິສະຖານທາງມະນຸດສະທຳ ເຊິ່ງໄດ້ຂົນສົ່ງໄປເຖິງອັຟການິສະຖານໃນຕົ້ນເດືອນເມສານີ້.



 ໂຄສົກກະຊວງວຽກງານຊາວອົບພະຍົບຂອງລັດຖະບານຊົ່ວຄາວອັຟການິສະຖານກ່າວຢືນຢັນວ່າ: ລັດຖະບານຊົ່ວຄາວອັຟການິສະຖານຂໍສະ ແດງຄວາມຂອບອົກຂອບໃຈນຳລັດຖະບານຈີນທີ່ໃຫ້ການຊ່ວຍເຫຼືອໃນສະພາບທີ່ປະເທດອັຟການິສະຖານພວມປະສົບກັບຄວາມຫຍຸ້ງຍາກ.



ປັດຈຸບັນ, ອັຟການິສະຖານພວມປະເຊີນກັບວິກິດການດ້ານມະນຸດສະທຳຢ່າງໜັກໜ່ວງ. ລັດຖະບານຈີນໄດ້ປະກາດໃນເດືອນກັນຍາປີຜ່ານມາວ່າ: ຈະໃຫ້ການຊ່ວຍເຫຼືອມະນຸດສະທຳແບບສຸກເສີນທີ່ມີມູນຄ່າ 200 ລ້ານຢວນເຊິ່ງລວມທັງສະບຽງອາຫານ, ອຸປະກອນເພື່ອຜ່ານຜ່າລະດູໜາວ, ວັກຊິນ, ຢາປົວພະຍາດ ແລະອື່ນໆໃຫ້ອັຟການິສະຖານ. ມາເຖິງປັດຈຸບັນນີ້, ໃນໂຄງການຊ່ວຍເຫຼືອດັ່ງກ່າວແມ່ນໄດ້ຊ່ວຍເຫຼືອສະບຽງອາຫານສຳເລັດແລ້ວຈຳນວນ 6.220 ໂຕນ.