ຕາລາງລາຍການ FM93Mhz

ຂໍ້ລິເລີ່ມວ່າດ້ວຍຄວາມໝັ້ນຄົງຂອງໂລກໄດ້ສະໜອງວິທີແກ້ໄຂບັນຫາຈາກດ້ານ ກົກຮາກໃຫ້ແກ່ການລຶບລ້າງຂຸມງົບປະມານສັນຕິພາບ

2022-05-08 14:03:00 cri


   ໃນເວລາກ່າວຄຳປາໄສໃນ “ກອງປະຊຸມສົນທະນາທາງອອນລາຍໃນຫົວຂໍ້ ສະແຫງຫາສັນຕິພາບແລະຊຸກຍູ້ການພັດທະນາຂອງຄັງປັນຍາ 20 ປະເທດ ໃນໂລກ”ໃນວັນທີ 6 ພຶດສະພານີ້,ທ່ານເລີ້ຢູ້ເສີງ ຮອງລັດຖະມົນຕີກະຊວງ ການຕ່າງປະເທດຈີນໄດ້ກ່າວວ່າ:ໃນຫຼາຍປີຜ່ານມານີ້,ໂລກບໍ່ສະຫງົບປານໃດ,ພະຍາດໂຄວິດ-19ສືບຕໍ່ແຜ່ລະບາດ,ເອີຣົບເກີດໄຟສົງຄາມອີກ,ລົມກະແສທວນແຫ່ງ “ແນວຄິດສົງຄາມເຢັນ”ພັດຂຶ້ນວູ່ໆ,ລັດທິເຈົ້າອຳນາດແລະມະຫາອຳນາດກຳເລີບເສີບສານ,ຫົວຂໍ້ຍຸກສະໄໝແຫ່ງສັນຕິພາບແລະການພັດທະນາໄດ້ປະເຊີນກັບສິ່ງທ້າທາຍທີ່ຂ້ຽວຂາດທີ່ບໍ່ເຄີຍມີມາກ່ອນ.ໃນຖານະເປັນປະເທດໃຫຍ່ທີ່ມີຄວາມຮັບ ຜິດຊອບ,ປະເທດຈີນໄດ້ທຳຄວາມພະຍາຍາມເພື່ອສັນຕິພາບຂອງໂລກ ເພື່ອ ຄວາມໝັ້ນຄົງຂອງສາກົນ ເພື່ອຊອກຄົ້ນອະນາຄົດແລະຊາຕາກຳຂອງ ມວນມະນຸດມາໂດຍຕະຫຼອດ.


   ຂໍ້ລິເລີ່ມກ່ຽວກັບການສ້າງທັດສະນະວ່າດ້ວຍຄວາມໝັ້ນຄົງທີ່ຮ່ວມກັນ ແບບ ສັງລວມ ການຮ່ວມມືແລະແບບຍືນຍົງທີ່ທ່ານປະທານສີຈິ້ນຜິງໄດ້ສະເໜີອອກໃນ ກອງປະຊຸມສຸດຍອດວ່າດ້ວຍການປະສານງານກັນແລະມາດຕະການໄວ້ເນື້ອເຊື່ອໃຈກັນຂອງອາຊີທີ່ນະຄອນຊຽງໄຮເມື່ອ 8 ປີກ່ອນນັ້ນ,ໄດ້ຖືກຢັ້ງຢືນຈາກພຶດຕິ ກຳຢ່າງບໍ່ຢຸດຢັ້ງວ່າແມ່ນເສັ້ນທາງທີ່ຖືກຕ້ອງແລະມີປະສິດທິຜົນ.ຫວ່າງບໍ່ດົນມານີ້,ທ່ານປະທານສີຈິ້ນຜິງໄດ້ສະເໜີຂໍ້ລິເລີ່ມວ່າດ້ວຍຄວາມໝັ້ນຄົງຂອງໂລກຢ່າງໜັກແໜ້ນອີກໃນກອງປະຊຸມເວທີປຶກສາຫາລືອາຊີິໂປອາວ.ຂໍ້ລິເລີ່ມສຳຄັນນີ້ແມ່ນເປັນການສືບທອດແລະສົ່ງເສີມຈິດໃຈໃນກົດບັດອົງການສະຫະປະຊາຊາດເຊິ່ງໄດ້ສະໜອງວິທີແກ້ໄຂຈາກດ້ານກົກຮາກໃຫ້ແກ່ການລຶບລ້າງຂຸມງົບປະມານສັນຕິພາບ, ໄດ້ອຸທິແຜນການຂອງຈີນເພື່ອການຮັບມືກັບສິ່ງທ້າທາຍຕໍ່ຄວາມໝັ້ນຄົງສາກົນ.ພຶດຕິກຳໄດ້ຢັ້ງຢືນໃຫ້ເຫັນວ່າ:ປະເທດຈີນເປັນຜູ້ປົກປັກຮັກສາສັນຕິພາບຂອງໂລກ,ເປັນກຳລັງທາງບວກຂອງຄວາມໝັ້ນຄົງສາກົນ.ການພັດທະນາຂອງຈີນເປັນການເພີ່ມທະວີຂຶ້ນຂອງກຳລັງສັນຕິພາບແລະກຳລັງສະຖຽນລະພາບຂອງໂລກ.