ອີງຕາມສຳນັກຂ່າວສານ ສປປ ເກົາຫຼີ ລາຍງານໃນວັນທີ 12 ພຶດສະພານີ້ວ່າ: ສປປ ເກົາຫຼີ ໄດ້ພົບຜູ້ຕິດເຊື້ອໂຄວິດ-19 ກາຍພັນໂອມິຄຣອນ.
ສຳນັກຂ່າວສານຢອນຮັບ (Yonhap) ຂອງ ສ. ເກົາຫຼີລາຍງານວ່າ: ທ່ານກິມ ເຈິງ-ອຸນ ຜູ້ນຳສູງສຸດຂອງສປປ ເກົາຫຼີ ກ່າວວ່າ: ສປປ ເກົາຫຼີ ໄດ້ເກີດເຫດສຸກເສີນຍ້ອນເຊື້ອພະຍາດໂຄວິດ-19. ເນື່ອງຈາກວ່າຢູ່ ສປປ ເກົາຫຼີ ມີຫຼາຍຄົນເກີດມີອາການທີ່ຖືກສົງໄສວ່າເປັນໄຂ້ຫວັດໃຫຍ່, ສະນັ້ນ, ສປປ ເກົາຫຼີໄດ້ປະຕິບັດມາດຕະການປ້ອງກັນໃນວັນທີ 11 ພຶດສະພານີ້ຕາມເວລາທ້ອງຖິ່ນ ໂດຍໃຫ້ປະຊາຊົນກັກບໍລິເວນ ແລະຕິດຕາມຢູ່ເຮືອນຂອງຕົນ.
ເພື່ອປ້ອງກັນບໍ່ໃຫ້ເຊື້ອພະຍາດໂຄວິດ-19 ແຜ່ລະບາດເຂົ້າສູ່ປະເທດຕົນ, ສປປ ເກົາຫຼີ ໄດ້ເລີ່ມປິດຊາຍແດນນັບແຕ່ທ້າຍເດືອນມັງກອນປີ 2020 ເປັນຕົ້ນມາ. ກ່ອນໜ້ານີ້, ຢູ່ ສປປ ເກົາຫຼີ ບໍ່ເຄີຍພົບຜູ້ຕິດເຊື້ອໂຄວິດ-19 ຈັກກໍລະນີ.