ຕາລາງລາຍການ FM93Mhz

ທີມງານຫາສຽງເລືອກຕັ້ງປະກາດວ່າ ທ່ານມາຄົສໄດ້ຮັບໄຊຊະນະໃນການເລືອກຕັ້ງປະທານາທິບໍດີຟີລິບປິນ

2022-05-12 14:53:51 CRI

ວັນທີ 11 ພຶດສະພານີ້, ທີມງານຫາສຽງເລືອກຕັ້ງຂອງທ່ານເຟີດີນັນ ໂຣມົວເດສ ມາຄົສ ຜູ້ສະໝັກຮັບເລືອກຕັ້ງປະທານາທິບໍດີຟີລິບປິນໄດ້ອອກຖະແຫຼງການ, ໂດຍປະກາດວ່າ, ທ່ານເຟີດີນັນ ໂຣມົວເດສ ມາຄົສ ໄດ້ຮັບໄຊຊະນະໃນການເລືອກຕັ້ງປະທານາທິບໍດີຟີລິບປິນ ທີ່ຈັດຂຶ້ນໃນວັນທີ 9 ພຶດສະພານີ້.

ເນື້ອໃນຖະແຫຼງການຂອງໂຄສົກທີມງານຫາສຽງເລືອກຕັ້ງຂອງທ່ານມາຄົສໄດ້ລະບຸວ່າ, ທ່ານເຟີດີນັນ ໂຣມົວເດສ ມາຄົສ ຈະສະແຫວງຫາຄວາມເຫັນທີ່ເປັນເອກະພາບກັນກັບບັນດາພັກຝ່າຍການເມືອງ ເພື່ອບັນລຸຄວາມສາມັກຄີກັນ ແລະ ຫວັງວ່າ, ຈະຮ່ວມມືກັບກຳລັງພາຍໃນປະເທດແລະປະຊາຄົມໂລກ ເພື່ອຮັບມືກັບສິ່ງທ້າທາຍຕ່າງໆນາໆ ທີ່ຟີລິບປິນປະເຊີນຢູ່.

ນັບມາຮອດເວລາ 14 ໂມງຂອງວັນທີ 11 ພຶດສະພານີ້ຕາມເວລາທ້ອງຖິ່ນ, ຜົນການນັບບັດໃນຈຳນວນ 98,26% ໄດ້ສະແດງໃຫ້ເຫັນວ່າ, ທ່ານເຟີດີນັນ ໂຣມົວເດສ ມາຄົສ ໄດ້ບັດຫຼາຍກວ່າ 58%, ເອົາຊະນະທ່ານນາງລາຍນີ ໂຣເບຣໂດ ຄູ່ແຂ່ງຕົ້ນຕໍ ແລະ ເປັນຮອງປະທານາທິບໍດີສະໄໝປັດຈຸບັນ ດ້ວຍຈຳນວນບັດສ່ວນຫຼາຍ. ລັດຖະສະພາຟີລິບປິນຈະຈັດກອງປະຊຸມໃນທ້າຍເດືອນນີ້ ເພື່ອຢືນຢັນຜົນການເລືອກຕັ້ງຢ່າງເປັນທາງການ.