ຕາລາງລາຍການ FM93Mhz

ປະທານາທິບໍດີແລະນາຍົກລັດຖະມົນຕີແຟງລັງສະໜັບສະໜູນແຟງລັງຮ້ອງຂໍເຂົ້າເປັນສະມາຊິກກຸ່ມນາໂຕ

2022-05-13 15:45:55 cri

ຕອນເຊົ້າວັນທີ 12 ພຶດສະພາ 2022, ທ່ານຊາວລິ ນິນິສໂຕ ປະທານາທິບໍດີແຟງລັງແລະທ່ານນາງ ຊັນນາ ມາຣິນ ນາຍົກລັດຖະມົນຕີແຟງລັງໄດ້ອອກຖະແຫຼງການຮ່ວມ, ໂດຍປະກາດວ່າສະໜັບສະໜູນແຟງລັງຮ້ອງຂໍເຂົ້າເປັນສະມາຊິກກຸ່ມນາໂຕ.

ເນື້ອໃນຖະແຫຼງການລະບຸວ່າ: ການເຂົ້າເປັນສະມາຊິກກຸ່ມນາໂຕຈະໄດ້ເພີ່ມທະວີຄວາມໝັ້ນຄົງຂອງແຟງລັງ. ເມື່ອໄດ້ເຂົ້າເປັນປະເທດສະມາຊິກກຸ່ມນາໂຕແລ້ວ, ແຟງລັງຈະເພີ່ມທະວີການປ້ອງກັນປະເທດຮ່ວມກັນພັນທະມິດ. ແຟງລັງຕ້ອງຮ້ອງຂໍເຂົ້າເປັນສະມາຊິກກຸ່ມນາໂຕໃນທັນທີ, ຫວັງວ່າຈະສາມາດປະຕິບັດມາດຕະການຕ່າງໆທີ່ກ່ຽວຂ້ອງກັບຂໍ້ຕົກລົງດັ່ງກ່າວໃນຫຼາຍມື້ຕໍ່ໜ້າໄດ້ຢ່າງວ່ອງໄວ.

ສື່ມວນຊົນແຟງລັງຄາດວ່າ, ແຟງລັງຈະອອກຖະແຫຼງການຄວາມຕັດສິນໃຈທີ່ເຂົ້າເປັນສະມາຊິກກຸ່ມນາໂຕໃນອາທິດໜ້າ.