ຕາລາງລາຍການ FM93Mhz

ກອງປະຊຸມອະນາໄມໂລກປະຕິເສດຍັດຕິກ່ຽວກັບໄຕ້ຫວັນອີກເທື່ອໜຶ່ງ

2022-05-23 21:31:24 cri


    ວັນທີ 23 ພຶດສະພານີ້ ຕາມເວລາທ້ອງຖິ່ນ, ກອງປະຊຸມອະນາໄມໂລກຄັ້ງທີ 75 ໄດ້ໄຂຂຶ້ນຢູ່ເຊີແນວຂອງສະວິດ. ຄະນະກຳມະການວຽກງານສັງລວມຂອງກອງປະຊຸມພ້ອມທັງກອງປະຊຸມຄົບຄະນະຕ່າງໄດ້ຕົກລົງວ່າ: ປະຕິເສດການຈັດຍັດຕິຂອງບາງປະເທດກ່ຽວກັບການເຊີນໄຕ້ຫວັນເຂົ້າຮ່ວມກອງປະຊຸມອະນາໄມໂລດດ້ວຍຖານະຜູ້ສັງເກດການເຂົ້າໃນວາລະປະຊຸມ. ການຕົກລົງດັ່ງກ່າວໄດ້ສະແດງໃຫ້ເຫັນວ່າ ຫຼັກການປະເທດຈີນດຽວໄດ້ກາຍເປັນຄວາມຮັບຮູ້ທີ່ເປັນເອກະພາບກັນຂອງປະຊາຄົມໂລກໂດຍທົ່ວໄປ, ແມ່ນປາຖະໜາຮ່ວມຂອງປະເທດຕ່າງໆ, ແມ່ນທ່ວງທ່າທີ່ຕ້ອງເປັນໄປ ແລະສະກັດກັ້ນບໍ່ໄດ້.


    ຜູ້ຕາງໜ້າຈີນກ່າວວ່າ: ຍັດຕິກ່ຽວກັບໄຕ້ຫວັນບໍ່ມີພື້ນຖານດ້ານກົດໝາຍ. ມະຕິເລກ 2758 ຂອງສະມັດຊາໃຫຍ່ອົງການສະຫະປະຊາຊາດ ແລະມະຕິເລກ 25.1 ຂອງກອງປະຊຸມອະນາໄມໂລກໄດ້ສະໜອງພື້ນຖານດ້ານກົດໝາຍໃຫ້ແກ່ອົງການອະນາໄມໂລກໃນການປະຕິບັດຕາມຫຼັກການປະເທດຈີນດຽວ. ຍັດຕິກ່ຽວກັບໄຕ້ຫວັນບໍ່ມີຫຼັກຖານອ້າງອີງທີ່ແທ້ຈິງ, ບໍ່ມີອັນທີ່ວ່າ“ຂໍ້ຂາດໃນລະບົບປ້ອງກັນພະຍາດສາກົນ”ທັງນັ້ນ. ກອງປະຊຸມອະນາໄມໂລກໄດ້ມີການຕັດສິນມາແຕ່ດົນແລ້ວກ່ຽວກັບບັນຫາໄຕ້ຫວັນ, ສະນັ້ນ, ຈຶ່ງໄດ້ປະຕິເສດການປຶກສາຫາລືຍັດຕິກ່ຽວກັບໄຕ້ຫວັນໃນຫຼາຍປີລຽນຕິດ. ຈຸດປະສົງທີ່ແທ້ຈິງຂອງເຈົ້າໜ້າທີ່ພັກມີນຈີ້ນໄຕ້ຫວັນກໍແມ່ນສວຍໃຊ້ການແຜ່ລະບາດຂອງພະຍາດມາຫຼິ້ນເກມການເມືອງເພື່ອສະແຫວງຫາການເປັນເອກະລາດ. ບາງປະເທດຫາຂໍ້ອ້າງໃຫ້ເຈົ້າໜ້າທີ່ໄຕ້ຫວັນ, ເຈຕະນາຄຸ້ມຄອງປະເທດຈີນດ້ວຍບັນຫາໄຕ້ຫວັນ, ຈະປະລາໄຊຢ່າງແນ່ນອນ.