ວັນທີ 24 ພຶດສະພານີ້, ທ່ານ ຫວ່າງເຫວີນປິ່ນ ໂຄສົກກະຊວງການຕ່າງປະເທດຈີນໄດ້ປະກາດວ່າ: ທ່ານ ວາງຢີ້ ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນຈະຢ້ຽມຢາມ 8 ປະເທດຢ່າງເປັນທາງການລະຫວ່າງວັນທີ 26 ພຶດສະພາຫາວັນທີ 4 ມິຖຸນາປີ 2022 ຕາມການເຊື້ອເຊີນຄື: ໝູ່ເກາະໂຊໂລມອນ,ກີຣີບາຕີ,ຊາມົວ,ຟີຈີ,ຕົງກາ,ວານູອາຕູ,ປາປົວນິວກີເນ,ຕີມໍແລັດສະເຕ ແລະຈະຢ້ຽມຢາມມິໂກຣເນຊີຜ່ານທາງວິດີໂອ,ພົບປະເຈລະຈາກັບນາຍົກລັດຖະມົນຕີທັງເປັນລັດຖະມົນຕີກະຊວງການຕ່າງປະເທດໝູ່ເກາະຄຸກ ແລະ ນາຍົກລັດຖະມົນຕີທັງເປັນລັດຖະມົນຕີກະຊວງການຕ່າງປະເທດນິວເອຜ່ານທາງວິດີໂອ,ພ້ອມທັງຈະເປັນປະທານຈັດກອງປະຊຸມລັດຖະມົນຕີກະຊວງການຕ່າງປະເທດໝູ່ເກາະຈີນ-ປາຊີຟິກຄັ້ງທີ 2 ຢູ່ຟີຈີ.