ຕາລາງລາຍການ FM93Mhz

ທ່ານສີຈິ້ນຜິງ: ບັນດາປະເທດບຣິກສຕ້ອງປົກປັກຮັກສາຄວາມຍຸຕິທຳ, ທ່ຽງທຳແລະສາມັກຄີ, ເດີນຕາມເສັ້ນທາງໃໝ່ດ້ານຄວາມໝັ້ນຄົງສາຍໜຶ່ງ

2022-06-24 17:13:13 CRI

 

ຕາມຂ່າວCRI:  ຕອນຄ່ຳວັນທີ 23 ມິຖຸນານີ້,  ຢູ່ນະຄອນຫຼວງປັກກິ່ງ ແຫ່ງ ສປ ຈີນ, ທ່ານ ສີຈິ້ນຜິງ ປະທານປະເທດຈີນໄດ້ເປັນປະທານກອງປະຊຸມພົບປະລະຫວ່າງຜູ້ນຳບັນດາປະເທດບຣິກສຄັ້ງທີ 14 ຜ່ານທາງວິດີໂອ.

 

ທ່ານສີຈິ້ນຜິງໄດ້ຊີ້ອອກວ່າ: ມຸ່ງໜ້າສູ່ທົ່ວໂລກ, ແນວຄິດສົງຄາມເຢັນແລະການເມືອງເຈົ້າອຳນາດຍັງມີຜົນກະທົບຢູ່, ການຂົ່ມຂູ່ດ້ານຄວາມໝັ້ນຄົງແບບດັ້ງເດີມແລະບໍ່ເປັນແບບດັ້ງເດີມໄດ້ເກີດຂຶ້ນເລື້ອຍໆ. ມີປະເທດຈຳນວນໜຶ່ງດ້ຂະຫຍາຍພັນທະມິດດ້ານການທະຫານເພື່ອສະແຫວງຫາຄວາມໝັ້ນຄົງຢ່າງເດັດຖານ, ບັງຄັບໃຫ້ປະເທດອື່ນເລືອກຝ່າຍເພື່ອກໍ່ການເປັນປໍລະປັກກັນລະຫວ່າງຝ່າຍທີ່ຕ່າງກັນ, ບໍ່ເອົາຫົວຊານຳສິດແລະຜົນປະໂຫຍດຂອງປະເທດອື່ນເອົາໃຈໃສ່ແຕ່ຖານະແລະຜົນປະໂຫຍດຂອງຕົນ. ຖ້າວ່າຍັງປ່ອຍປະທ່ວງທ່າອັນຕະລາຍແບບນີ້ໃຫ້ພັດທນາໄປໜ້າ, ທົ່ວໂລກຈະມີຄວາມວຸ້ນວາຍຫຼາຍກວ່າເກົ່າ. ບັນດາປະເທດບຣິກສຄວນສະໜັບສະໜູນກັນໃນບັນຫາທີ່ກ່ຽວພັນເຖິງຜົນປະໂຫຍດໃຈກາງຂອງກັນແລະກັນ, ປະຕິບັດລັດທິຫຼາຍຝ່າຍຢ່າງແທ້ຈິງ, ປົກປັກຮັກສາຄວາມຍຸຕິທຳ, ຄັດຄ້ານສິດເປັນເຈົ້າອຳນາດ, ປົກປັກຮັກສາຄວາມທ່ຽງທຳ, ຄັດຄ້ານການຂົ່ມເຫັງ, ປົກປັກຮັກສາຄວາມສາມັກຄີ, ຄັດຄ້ານການແບ່ງແຍກ. ຈີນຍິນດີຮ່ວມກັບຄູ່ຮ່ວມມືບັນດາປະເທດບຣິກ, ຊຸກຍູ້ໃຫ້ຂໍ້ລິເລີ່ມຄວາມໝັ້ນຄົງທົ່ວໂລກໄດ້ຮັບການປະຕິບັດໃຫ້ເກີດຜົນເປັນຈິງ, ເດີນຕາມເສັ້ນທາງທີ່ມີຄວາມໝັ້ນຄົງແບບໃໝ່ຜ່ານການສົນທະນາກັນແຕ່ບໍ່ເປັນປໍລະປັກກັນ, ເປັນເພື່ອນກັນແຕ່ບໍ່ຮ່ວມກຸ່ມ, ໄດ້ຮັບຜົນປະໂຫຍດຮ່ວມກັນແຕ່ບໍ່ແມ່ນຜົນລວມເປັນສູນ, ເພີ່ມກຳລັງແຮງທາງບວກເຂົ້າໃນສະຖຽນລະພາບຂອງໂລກ.