ຕາລາງລາຍການ FM93Mhz

ທ່ານນາງ ເສີນເຢ້ເຢ້ ເຂົ້າຮ່ວມກອງປະຊຸມເຈລະຈາຜູ້ນຳອົງການແລະອົງການຈັດຕັ້ງແມ່ຍິງແຫ່ງຊາດຂອງບັນດາປະເທດແມ່ນ້ຳລ້ານຊ້າງ-ແມ່ນ້ຳຂອງຜ່ານທາງວິດີໂອ

2022-07-21 15:27:06 cri

      ວັນທີ 20 ກໍລະກົດນີ້, ກອງປະຊຸມເຈລະຈາພາຍໃຕ້ຫົວຂໍ້ “ການປະດິດສ້າງແລະການພັດທະນາຂອງແມ່ຍິງ” ຂອງຜູ້ນຳອົງການແລະອົງການຈັດຕັ້ງແມ່ຍິງແຫ່ງຊາດຂອງບັນດາປະເທດແມ່ນ້ຳລ້ານຊ້າງ-ແມ່ນ້ຳຂອງໄດ້ຈັດຂຶ້ນຢູ່ນະຄອນຫຼວງປັກກິ່ງຂອງຈີນຜ່ານທາງວິດີໂອ. ທ່ານນາງ ເສີນເຢ້ເຢ້ ຮອງປະທານຄະນະປະຈຳສະພາປະຊາຊົນແຫ່ງຊາດຈີນ, ທັງເປັນປະທານສະຫະພັນແມ່ຍິງແຫ່ງຊາດຈີນພ້ອມດ້ວຍຜູ້ນຳອົງການແມ່ຍິງແລະອົງການຈັດຕັ້ງແມ່ຍິງຂອງກຳປູເຈຍ,ລາວ,ມຽນມາ,ໄທແລະຫວຽດນາມເຂົ້າຮ່ວມກອງປະຊຸມພ້ອມທັງກ່າວຄຳປາໄສ.

      ທ່ານນາງ ເສີນເຢ້ເຢ້ ກ່າວວ່າ: ທ່ານ ສີຈິ້ນຜິງ ປະທານປະເທດຈີນໄດ້ຮັກສາການຕິດຕໍ່ພົວພັນຢ່າງແໜ້ນແຟ້ນກັບຜູ້ນຳບັນດາປະເທດແມ່ນ້ຳຂອງ,ໄດ້ໃຫ້ທິດຊີ້ນຳດ້ານການຮ່ວມມືໄມຕີຈິດລະຫວ່າງຈີນກັບບັນດາປະເທດ. ຈີນຍິນດີຮ່ວມກັບປະເທດເຫຼົ່ານີ້ຈັດຕັ້ງປະຕິບັດລັດທິຫຼາຍຝ່າຍຢ່າງແທ້ຈິງ,ເພີ່ມທະວີການແລກປ່ຽນແລະການຮ່ວມມືລະຫວ່າງແມ່ຍິງຂອງບັນດາປະເທດຕື່ມອີກ, ຊຸກຍູ້ການພັດທະນາຮ່ວມກັນ. ພວກຂ້າພະເຈົ້າຕ້ອງເສີມຂະຫຍາຍບົດບາດອັນຕັ້ງໜ້າຂອງແມ່ຍິງເຂົ້າໃນການພັດທະນາດ້ວຍການປະດິດສ້າງໃໝ່, ລົງເລິກການຮ່ວມມືດ້ານການພັດທະນາດ້ວຍການປະດິດສ້າງໃໝ່ຂອງແມ່ຍິງ,ເພື່ອຮ່ວມກັນສ້າງອະນາຄົດທີ່ສວຍສົດງົດງາມ.