ຕາລາງລາຍການ FM93Mhz

ເປີດເວທີປຶກສາຫາລືສິດທິມະນຸດປັກກິ່ງ 2022

2022-07-27 10:32:03 cri

ວັນທີ 26 ກໍລະກົດນີ້, ເວທີປຶກສາຫາລືສິດທິມະນຸດປັກກິ່ງ 2022 ໄດ້ຈັດຂຶ້ນຢູ່ນະຄອນຫຼວງປັກກິ່ງ. ເວທີປຶກສາຫາລືຄັ້ງນີ້ ແມ່ນຈັດຂຶ້ນຮ່ວມກັນໂດຍສະມາຄົມຄົ້ນຄວ້າສິດທິມະນຸດຈີນ ແລະ ກອງທຶນພັດທະນາສິດທິມະນຸດຈີນ, ເຊິ່ງມີຫົວຂໍ້ວ່າ “ຍຸຕິທຳ ທ່ຽງທຳ ແລະ ກວມລວມ, ເກາະແຂນກັນຊຸກຍູ້ການພັດທະນາພາລະກິດສິດທິມະນຸດ”. ເຈົ້າໜ້າທີ່ອາວຸໂສ, ຜູ້ຊ່ຽວຊານ, ນັກວິຊາການ ແລະ ຜູ້ຕາງໜ້າທູຕານຸທູດຕ່າງປະເທດປະຈຳຈີນທີ່ມາຈາກເກືອບ 70 ປະເທດ ແລະ ອົງການຈັດຕັ້ງສາກົນ ເຊັ່ນ: ອົງການສະຫະປະຊາຊາດເປັນຕົ້ນ ເກືອບ 200 ທ່ານ ໄດ້ເຂົ້າຮ່ວມເວທີປຶກສາຫາລືຄັ້ງນີ້.

ທ່ານ ຈອນ ໂຣສ ອະດີດຫົວໜ້າພະແນກນະໂຍບາຍເສດຖະກິດການຄ້ານະຄອນຫຼວງລອນດອນປະເທດອັງກິດ, ນັກຄົ້ນຄວ້າຊັ້ນສູງຂອງສະຖາບັນຄົ້ນຄວ້າການທະນາຄານຊົງຢາງມະຫາວິທະຍາໄລເຢີນມິນຈີນ ເຫັນວ່າ, ແນວຄິດສິດທິມະນຸດຂອງຈີນຈະເນັ້ນໜັກໝາກຜົນຕົວຈິງ, ສະນັ້ນ ຈຶ່ງໄດ້ຮັບໝາກຜົນຢ່າງເດັ່ນຊັດໃນດ້ານການຫຼຸດຜ່ອນຄວາມທຸກຍາກເດັດຖານ, ການປົກປ້ອງສິດທິຜົນປະໂຫຍດຂອງແມ່ຍິງ, ການປົກປ້ອງສິດມີຊີວິດແລະສຸຂະພາບຂອງປະຊາຊົນພາຍໃຕ້ສະພາບການແຜ່ລະບາດຂອງພະຍາດໂຄວິດ-19 ແລະດ້ານອື່ນໆ, ເຊິ່ງໄດ້ປະກອບສ່ວນຢ່າງໃຫຍ່ຫຼວງເພື່ອປັບປຸງສະພາບສິດທິມະນຸດຂອງໂລກ.

ທ່ານ ອັກມານ ໂຄນມາໂຕວິກ ໄຊດົບ ຮອງຫົວໜ້າຜູ້ທີໜຶ່ງຂອງກຳມະການນິຕິບັນຍັດສະພາສູງສຸດ ທັງເປັນຫົວໜ້າສູນສິດທິມະນຸດແຫ່ງຊາດອຸສເບກີສະຖານ ຊີ້ໃຫ້ເຫັນວ່າ: ບໍ່ມີຮູບແບບການພັດທະນາທົ່ວໄປທີ່ເໝາະໃຊ້ຢູ່ທຸກປະເທດໄດ້, ການເພີ່ມທະວີການຮ່ວມມືສາກົນ ແມ່ນສຳຄັນທີ່ສຸດຕໍ່ກັບການບັນລຸເປົ້າໝາຍການພັດທະນາແບບຍືນຍົງຂອງອົງການສະຫະປະຊາຊາດຢ່າງຮອບດ້ານ. ມີແຕ່ຢູ່ບົນພື້ນຖານທີ່ເຄົາລົບສິດທິມະນຸດ ປະຊາທິປະໄຕ ແລະ ກົດໝາຍເທົ່ານັ້ນ, ຈຶ່ງຈະສາມາດມີໂລກທີ່ມີສະຖຽນລະພາບ ມີການພັດທະນາແບບຍືນຍົງ ແລະ ມີຄວາມຈະເລີນຮຸ່ງເຮືອງໄດ້.